Sansad Mein Bhadke Jaaved Akhtar, Bole, Devi Kehna Band Karo

Breaking »

Sansad Mein Bhadke Jaaved Akhtar, Bole, Devi Kehna Band Karo

nai Delhi. . Paanch saal ki maasoom ke saath Delhi mein hue barbar rape par Rajyasabha mein bahas ke dauraan mashahoor filmkaar aur saansad jaaved Akhtar ne samaaj mein vyaapak paimaane par badlaav ki vakaalat ki. Unhonne kaha ki kisi ke isteefe se is samasya ka samaadhaan naheen ho jaaega. Jaaved ne kaha ki daraasal, jahaan hamein chot karni chaahiye vahaan karne se ab tak bachate rahe hain. Unhonne kaha, 'Vakt aa gaya hai ki ham samasya ki jad par chot karein aur idhar-udhar ki baatein karna band karein. ' jaaved Akhtar ne kaha ki rape par kai log kai tarah ki baatein kar rahe hain. Koi kah raha hai ki cinema ke chalte rape ki vaaradaat badh rahi hai to koi kah raha hai ki upabhoktaavaad ki vajah se. Yadi aisa hai to south India mein rape ki vaaradaat sabse jyaada honi chaahiye thi kyonki un raajyon mein sabse jyaada cinemaghar hain. Lekin sach to yah hai ki yahaan rape ki vaaradaat kam hoti hai. Jaaved Akhtar ne kaha ki hamein chot samaaj ki damanakaari maanyataaon par karne ki jaroorat hai. Ham rape rokane ki baat to kar rahe hain lekin aisa upaaya bata rahe hain jise sunakar hairaani hoti hai. Ham kai baar puraane samaaj mein lautane ki baat karne lagte hain. Jaaved ne kaha, 'Aap kalpana keejiye 22 saal ki umr tak jis ladke ne keval apni maan aur bahan se baat ki ho usaki sthiti kaisi hogi. Vah maan aur bahan ke alaave anya mahilaaon ke baare mein kya khyaalaat rakhata hoga? Shaayad hi koi bata paae. Unhonne kaha ki hamaari Mumbai mein aakar dekhiye jahaan kishor ladke apni doston ke saath svachhand ghoomate hain. College mein inke saath khaat-peete hain. Saath rahate hain. Un ladkon aur ladkiyon ke beech vaisi maanasikta naheen hai. Un ladkon ke ladkiyon ke saath vyavahaar ek insaan ki tarah hai na ki devi ki tarah. Daraasal, hamein ladkiyon ko devi ka darja naheen dena hai blaki insaan ki tarah vyavahaar karne ki jaroorat hai. Log kehte hain hamaare samaaj mein maan ki ijjat hoti hai. Main aapse poochhana chaahata hoon ki jo mahilaaen maan naheen hain unki ijjat naheen honi chaahiye? Ham mahilaaon ko devi kehkar baatein banaana jitni jaldi ho sake band karein. Ham unke saath insaani fitrat ke saath pesh aaen. Jaaved Akhtar ne kaha ki peediton ko nyaaya kahaan milega. Court mein vakeelon ki feej laakhon rupae mein hai. Bhala kaun vahan karega itni badi rakam. Jaaved ne Rajyasabha mein saansadon se kaha ki ham keval baatein na karein balki kuchh thos kaam karein. Ham gareebon ke liye court ki raah aasaan banaaen. Police ko samvedansheel banaaen.

Sansad Mein Bhadke Jaaved Akhtar, Bole, Devi Kehna Band Karo https://www.angrejinews.com/pic/6395