Sansad Do Din Pehle Anishchitkaal Ke Liye Sthagit

India »

Sansad Do Din Pehle Anishchitkaal Ke Liye Sthagit

Nai Delhi. . Pradhaanamantri Manmohan Singh , kaanoon mantri ashvini Kumar aur rel mantri pavan Kumar bansal ke isteefe ki maang ko lekar vipaksh aur satta paksh ke madhya bane gatirodh ke beech sansad ki kaaryavaahi nirdhaarit samay se do din poorv hi anishchitkaal ke liye sthagit kar di gayi. Gaurtalab hai ki 22 April se shuroo huaa sansad ke bajat satr ka doosra charan 10 May tak chalana tha. Vibhinn muddon par vibhinn dalon ke sadasyon ke hangaame ke kaaran Loksabha ki baithak ek baar ke sthagan ke baad dopahar 12 baje shuroo hui to sadan mein hangaama jaari raha. Isi hangaame ke beech hi Loksabha adhyaksh meera Kumar ne aavashyak dastaavej sadan ke patal par rakhavaae. Iske baad unhonne aasan ke samaksh naarebaaji kar rahe sadasyon se apne sthaanon par jaane ko kaha. Sadasyon ke apne sthaanon par chale jaane ke turant baad unhonne sadan ko anishchitkaal ke liye sthagit hone se pehle paramparaagat raashtrageet vandemaaratam ki dhun bajaane ka nirdesh diya aur uske baad sadan ki kaaryavaahi anishchitkaal ke liye sthagit kar di. Vandemaataram ki dhun bajne ke dauraan ek sadasya ke sadan se baahar jaane par adhyaksh ne sakht naaraajagi jataate hue kaha ki bhavishya mein aisa naheen hona chaahiye. Rajyasabha bhi nirdhaarit samay se do din pehle hi anishchitkaal ke liye sthagit kar di gayi. Hangaame ke kaaran sadan mein lagaataar gatirodh bane rahane par sabhaapati haamid Ansari aprasannata jataate hue kaha, 'Sadan mein hue kaam aur naheen kiye gaye kaam ka record janta ke saamane hai aur us par teeka tippani ki aavashyakta naheen hai. ' unhonne baithak ko anishchitkaal ke liye sthagit karne se pehle apne paaramparik sambodhan mein kaha ki is satr visheshakar doosare charan ke anubhavon ke chalte hamein paristhitiyon se utpann vibhinn maamalon par gaur karne ki jaroorat hai. Ansari ne kaha ki teen prashnon ko sambodhit karne ki vishesh jaroorat hai. Pehla, kya kaaryavaahi mein niyamit baadha se charcha, vidhaayi kaam aur javaabadehi ke beech santulan khatm ho gaya hai. Doosra, niyam prakriyaaon aur sadan ke vibhinn vargon dvaara uthaae jaane vaale unki chinta ke vishyon ke beech kya badhte antar ko door karne ka samay naheen aa gaya hai. Teesara, kya is garimaapoorn sadan ki sadasyata ko lekar janta ke man mein adchan paida karne vaale vyavahaar par ban rahi chhavi ki sameeksha ki jaani chaahiye.

Sansad Do Din Pehle Anishchitkaal Ke Liye Sthagit https://www.angrejinews.com/pic/8061