Sanjoo Ke Paas Bache Hain Sirf 10 Din

Movies »

Sanjoo Ke Paas Bache Hain Sirf 10 Din

Sanjaya datt ke paas surrender ke liye ab bahut kam time bacha hai. Khabar hai ki aajkal vah double shift shooting nipta rahe hain: Sanjaya datt ne tay kiya hai ki vah police ke saamane 18 April ko surrender kar deinge. Aise mein, unke paas sirf 10 din ka vakt bacha hai. Jaahir hai, aise mein sanjoo ko apni filmon ki shooting teji se niptaani hogi isliye unhonne double shift mein kaam karna shuroo kar diya hai. Jaankaaron ki agar maanein, to sanjaya ne apne saare pradyoosars ko 13 April tak shooting kanpleet karne ke liye kaha hai. Iske baad vah 13 se 17 April ke beech inke liye dabing kareinge. Haalaanki is nai deadline se raajoo hiraani ki film 'PK' par jaroor thoda preshar aa gaya hai. Sootron ke mutaabik sanjoo ke scene ko lekar nai plaining ki ja rahi hai. Unka film mein kuchh din ka kaam bacha hai. Aise mein dekhna hoga ki yah 13 April tak poora ho paaega ya naheen. Gaurtalab hai ki sanjaya ko dets ki vajah se hi Rajkumar gupta ki 'Ghanchakkar' se baahar kar diya gaya hai. Film mein unhein kaimiyo karna tha. Aajkal sanjoo teepi Agrawal ki film 'Pulisgiri' ki shooting kar rahe hain. Isse pehle vah apoorv lakhiya ki 'Janjeer' kanpleet kar chuke hain. Kuchh dinon pehle unhonne is film ke liye ek gaana bhi shoot kiya hai. Sootron ki maanein, to sanjaya ne pareshaan hone ke baavajood is gaane mein badhiya parafaurm kiya hai. Iske alaava, unhonne karan jauhar ke praudakshan ki film 'Ungali' ke liye bhi kuchh scene shoot kiye hain. Aamir ne ajast ki dets khabar hai ki Aamir Khan apni film 'PK' ke ko-star sanjaya datt ko lekar behad pareshaan hain. Unhein pata hai ki ab sanjaya ke paas surrender ke liye jyaada vakt naheen bacha hai. Isliye Aamir apne schedule mein change karke pehle 'PK' ki shooting karne ke liye raaji ho gaye hain. Echadi reporter.

Sanjoo Ke Paas Bache Hain Sirf 10 Din https://www.angrejinews.com/pic/4737