Sanjoo Ke Paas 3 Din, Udaas Huaa Baulivud

Movies »

Sanjoo Ke Paas 3 Din, Udaas Huaa Baulivud

Chand mohan sharma Mumbai blaast case mein aarms aikt ke tahat doshi karaar diye gaye sanjaya datt ke surrender ki deadline jaise-jaise kareeb aa rahi hai, glaimar nagari mein unke kareebiyon ke beech maahaul badal raha hai. Sanjaya datt kah chuke hain ki unhein Supreme court ka faisala kabool hai. Vah guruvaar subah surrender karne vaale hain. Ise dekhte hue munna bhaai ke jodeedaar sarkit yaani Arshad vaarasi ne 'Jolly LLB' ki praudakshan company se is film ko mili jabardast kaamayaabi ki sakses party na karne ki rikvest ki hai. 'Jolly LLB' Arshad ke filmi career ki pehli aisi film hai, jo unheen ke kandhon par tiki hai aur 56 karod se jyaada kamaai kar chuki hai. Iske baavajood agar Arshad film ki kaamayaabi ka jashn naheen manaana chaahate to iske peechhe vajah apne jodeedaar ke surrender ki khabar hi hai. Unke alaava, sanjaya datt ke saath kareeb aadha darjan filmein kar chuke director David dhavan ne bhi apni nai film 'Chashme baddoor' ki sakses ko selibret naheen karne ka faisala kiya hai. David kehte hain ki mera khaas dost jab jail jaane vaala ho, tab main selibreshan ke baare mein soch bhi naheen sakta. Sanjaya ke kareebi dost Ajay devagan ne director prakaash jha se apni film 'Satyaagrah' ke liye shooting schedule mangalvaar tak kanpleet karne ki rikvest ki, jise jha ne maan liya. Pehle schedule ke mutaabik, is film ki shooting guruvaar tak honi thi. Lekin Ajay aur doosari star kaast jyaada der tak kaam kar rahe hain. Isse shooting mangalvaar tadke kanpleet ho jaaegi. Ajay sahit film ke kai kalaakaar Budhvaar ko sanjaya datt se mileinge. Sanjaya datt bhi der raat tak kaam karke pradyoosar ti. Pi. Agrawal ki film 'Pulisgeeri' mein apna kaam khatm karne mein lage hain. Doosari or, sanjaya datt ko film industry se mil rahi sahaanubhooti aur baar-baar media mein unki gaandheegeeri jaisi imej dikhaane se sarkaari vakeel ujjval nikm bahut naaraaj hain. Ek meeting mein nikm ne kaha ki aikting karna sanjaya ka kaam hai. Camere ke saamane andaravarld Don ya munna bhaai banana unki jaub hai. Thodi der camere ke saamane gaandheegeeri karne se koi Gandhi jaisa naheen ban jaata. Nikm ne kaha ki Supreme court ke faisale ke anusaar, sanjaya ko 5 January 2016 tak jail mein rahakar apni baaki bachi saja kaatani hogi. Haan, unke achhe chaal-chalan ko dekhte hue jail prashaasan, raajya sarkaar saja ki avadhi kam bhi kar sakte hain.

Sanjoo Ke Paas 3 Din, Udaas Huaa Baulivud https://www.angrejinews.com/pic/5617