Sanjaya Ki Help Kareinge Salloo-Ajay

Movies » Thursday, March 28, 2013

Sanjaya datt ne apne jail jaane se pehle jaroori intajaam karne shuroo kar diye hain. Aise mein unhonne sabse jyaada jimmedaari apne do doston Salman Khan aur Ajay devagan ko saunpi hain. Court ke faisale ke baad yah lagbhag tay hai ki sanjaya datt saadhe teen saal ke liye jail jaaenge. Aise mein unhonne apne teenon bachchon aur vaaif maanyata ke saath apne praudakshan house ki jimmedaari Salman aur Ajay ko saunpi hai. Sanjoo ka maanana hai ki maanyata akele sab kuchh naheen kar sakti hain. Maanyata ko is tarah ka koi anubhav naheen hai. Isliye sanjaya ne apne do jigri doston ko yaad kiya aur unhonne vaada kiya ki ve donon datt banner ki filmon mein kaam kareinge. Jahaan tak jaroori hoga usaki dekharekh bhi kareinge. Sanjaya datt ko Mumbai blaast maamale mein paanch saal ki saja sunaai gayi hai jismein se sanjaya pehle hi kareeb dedh saal ki saja kaat chuke hain. Holi ke agale din yaani aaj se sanjaya apne adhoore praujekts ko poora karne mein jut gaye hain. Court ke faisale ke baad se sanjaya datt aaj se shooting shuroo kar rahe hain.