Sanjaya Datt Ne Surrender Ke Liye Maanga Vakt

Movies »

Sanjaya Datt Ne Surrender Ke Liye Maanga Vakt

Chandra mohan sharma haalaanki iski ummeed kam thi, lekin sanjaya datt ne surrender karne ki avadhi ko badhaane ki appeal daayar kar hi di. Sanjaya ke ek kareebi sootr ne bataaya ki yah faisala unhonne apni adhoori filmon ki list ko dekhne ke baad kiya. Filhaal, sanjaya ki 'Pulisgeeri' aur nai 'Janjeer' aakhiri stage par hain. Vidhu vinod Chopra ki 'PK' par kaam chal raha hai, vaheen 'Sher' ki 60 feesadi shooting hi hui hai. Inke alaava, karan jauhar ki 'Ungali' aur munnaabhaai series ki agali film bhi sanjaya ke paas hai. Trade ainaalist kausar siddaki kehte hain, 'In filmon par industry ke kareeb 150 karod rupaye daanv par lage dekhkar hi sanjaya ne yah faisala liya. ' haalaanki un par apne parivaar ka preshar bhi bataaya ja raha hai. Daraasal, sanjaya chaahate the ki pichhle kai saalon se jo dar unka peechha naheen chhod raha hai, is baar vah usase chhutakaara pa hi lein. Shaayad yahi vajah thi sanjoo Baba sun to har kisi ki rahe the, lekin apne dil ki baat unhonne kisi se share naheen ki. Fir ravivaar shaam unke ghar unki praudakshan company ke senior sadasyon aur faimili meinbars ne lambi mulaakaat ki. Isi beech sanjaya ke jeeja Kumar gaurav ne jab ek naami aidavoket se mile, tab pehli baar yah laga ki vah Supreme court mein appeal daayar kar sakte hain. Fir jab sanjaya ne apne banner ki film 'Hansamukh' ki script aur shooting schedule ki jaankaari li, to yah baat pakki lagne lagi. Jab unhonne yah faisala le hi liya, to maanyata se baatcheet karne ke baad Supreme court mein appeal daayar karne ki khabar aur kisi se share karne se pehle unhonne apni bahanon aur beti trishla ko di.

Sanjaya Datt Ne Surrender Ke Liye Maanga Vakt https://www.angrejinews.com/pic/5722