Sanjaya Datt Ko Maafi Dene Ke Paksh Mein Naheen Hain Anna Hajaare

India » Tuesday, March 26, 2013

Pune. . Abhineta sanjaya datt ko saja se maafi dilvaane ko lekar badh rahi maang ke beech prakhyaat samaajasevi evam Gandhivadi anna hajaare is paksh mein naheen hain ki 1993 mein Mumbai ke shrrunkhalaabaddh visfoton ke maamale mein unhein koi maafi di jaae. Unhonne kaha hai ki nyaayapaalika ne apna faisala suna diya hai. Adaalati faisale mein hastakshep karna samuchit naheen hoga. Anna hajaare ne yah baat abhineta ko maafi diye jaane ko lekar uth rahi maangon ke baare mein poochhe gaye savaalon ke javaab mein kahi. Supreme court ne 21 March ko sanjaya datt ko aarms act ke tahat doshi thaharaae jaane aur paanch saal ki saja ko vaidh thaharaaya tha. Baharahaal, anna ne yah bhi kaha, ''Unhein prem karne vaale logon ka unke liye maafi maangane ka adhikaar hai. '' bhaarateeya press parishad ke pramukh maarkandeya kaatajoo tatha baulivud ki kai hastiyaan ne sanjaya datt ko saja se maafi dilaane ki maang kar chuki hain