Sanjaya Datt Ki Maafi Par Shor Kyon RSS

Breaking » Sunday, March 31, 2013

Nai Delhi. . Raashtreeya swayamsevak sangh (RSS) ke mukhapatr organaaijar ne yah kehte hue maalegaanv visfot ke aaropiyon-prajnyaa thaakur, lieutenant shreekaant purohit aur svaami aseemaanand ki jordaar vakaalat ki ki aparaadh bagair saabit hue hi ve salaakhon ke peechhe hain jabki abhineta sanjaya datt ko maafi dene ko lekar shor macha huaa hai. Apne naveenatam ank ke sampaadkeeya mein organaaijar ne kaha ki Congress neta digvijya Singh, abhinetri se neta bani jaya Bachchan evam jayaaprada, samaajavaadi party ke poorv neta amar Singh aur pashchim Bengal ki mukhyamantri mamata Bannerjee kah rahi hain ki datt ko maaf kar diya jaae. Sampaadkeeya mein datt ke labdh naami shakhsiyton ka beta hone ka jikr karte hue kaha gaya hai, ''Khaanadaan ka nyaayapaalika mein koi jagah naheen hai. '' patrika ne kaha ki jo log unke liye maafi ki maang kar rahe hai, unka abhineta ki saja mein hastakshep karne ka koi matlab naheen hai. Datt aur unke samarthakon par prahaar karte hue sangh ke mukhapatr ne prajnyaa, purohit aur aseemaanand ka jordaar bachaav kiya hai. Sampaadkeeya mein kaha gaya hai, ''Saadhvi prajnyaa thaakur paanch saal se jail mein hain. Unke khilaaf ekamaatr saboot- jise yadi saboot kaha jaae to- hai ki unhonne 15 saal pehle ek baaik bechi thi aur uske kaagajaat badalne ki jahamat naheen uthaai thi. Yah baaik visfot mein istemaal ki gayi. '' organaaijar ne kaha ki jahaan in saalon mein datt filmein banaate rahe aur abhineta ke roop mein saamaanya jeevan jeete rahe vaheen prajnyaa paanch saalon se police jyaadati jhel rahi hain. Sampaadkeeya mein kaha gaya hai, ''Svaami aseemaanand adaalat mein kah chuke hain ki unase jabardasti ikabaaliya bayaan liya gaya taaki unke khilaaf usaka istemaal kiya jaae'' sangh mukhapatr ne is baat par afsos jataaya ki koi bhi neta ya nekadil insaan unke liye insaaf aur nishpaksh evam tvarit sunavaai ki maang ke saath aage naheen aaya. RSS ne haal hi mein sandigdh hijbul aatankvaadi liyaakat shaah ki giraftaari ka bhi jikr kiya hai aur aashcharya jataaya ki kisi ko usaki is baat mein kaise dam najar aata hai ki ki vah aatmasamarpan karna chaahata tha. Organaaijar ne likha hai, ''Raajaneeti is star tak gir gayi hai. Saarvajanik jeevan mein rahane vaale vyakti bhi vibhinn khemon mein bant gaye hain. Koi kaise datt ke samarthan ki vyaakhya kar sakta hai jinka andaravarld aur raashtravirodhi tatvon se sampark saabit ho gaya hai.