Sangam Par Aashutosh-raajapaal

Movies »

Sangam Par Aashutosh-raajapaal

Sangam (Allahabad). . Duniya ke sabse bade dhaarmik samaagam Mahakumbh mele mein jaakar sangam snaan aur kalpavaas karke jahaan desh videsh ke shraddhaalu punya kama rahe hain, vaheen kuchh Bollywood sitaare is bhaktimya maahaul mein sangam ki reti par aadhyaatmik oorja aur aatmik shaanti ki praapti ke liye shivling nirmaan karne mein jute hain. Gruhasth sant Dave prabhaakar shaastri 'Daddaaji' ne sangam ki reti par mitti se sava karod shivling banaane ka sankalp liya hai. Unke sankalp ko poora karne ke liye sangam tat par unke do shishya- Bollywood fi lmon mein nakaaraatmak bhoomikaaon ke liye charchit abhineta aashutosh raana aur haasya kalaakaar raajapaal Yadav madad kar rahe hain. Aashutosh raana ke saath unki patni aur adaakaara Renuka shahaane bhi maujood hain, jo dadda ke saikadon anuyaayiyon ke saath vaidik mantrochaaran ke beech har roj in shivlingon ka nirmaan kar rahe hain. Aashutosh raana ne kaha ki sangam ki paavan dharati par aakar jap-tap karne se unhein aantarik oorja milti hai. Vah kehte hain ki dharm hi aisa maadhyam hai jis par chalakar insaan khud ke saath poore samaaj ka bhala kar sakta hai. Kumbh kshetr ke sector-8 mein dadda ji ke pandaal mein mitti se shivling banaane ka silsila guruvaar se shuroo huaa hai, jo 12 din tak chalega. Iske baad vaidik mantrochchaar ke beech inhein ganga mein visrjit kar diya jaaega. Sangam tat par aadhyaatm se otaprot abhineta raajapaal Yadav ne kaha ki shivlingon ke nirmaan se unhein aatmik shaanti aur aadhyaatmik oorja milti hai. Unhonne kaha ki jis prakaar shareer ke liye bhojan jaroori hai, usi prakaar aatma ki shaanti ke bhajan jaroori hai. Pichhle kai varshon se Kumbh, arddhakunbh aur maagh mele mein dadda ji ka shivir sangam tat par lagta raha hai. Shivir mein bhakton dvaara mitti se shivlingon ka nirmaan kiya jaata hai

Sangam Par Aashutosh-raajapaal https://www.angrejinews.com/pic/3316