Sangakaara Bole, Ham Best Karna Chaaheinge

Cricket »

Sangakaara Bole, Ham Best Karna Chaaheinge

agencyan . Hyderabad sunrisers Hyderabad ke captain Kumar sangakaara ne kaha ki vah chaahate hain ki unki team ke khilaadi Indian Premier league (IPL) -6 mein Pune Warriors ke khilaaf shukravaar ko yahaan khele jaane shurooaati match mein apna best karein. Sangakaara ne guruvaar ko yahaan match ki poorv sandhya par kaha, 'Yah mushkil match hoga. Pune Warriors kaafi achhi team hai. Unki team mein shaanadaar khilaadi hain. Ham apna best karna chaaheinge. Humne is baare mane kaafi charcha ki ki ham kya karne ki koshish kar rahe hain. Ummeed hai ki ham is rananeeti ke mutaabik hi khelein, mujhe lagta hai ki isse ham kisi bhi team ko rok sakte hain. ' aham hai rananeeti ko amali jaama pahanaana : Sunrisers pichhle paanch season mein alag prabandhan ke tale dekan Chargers ke naam se khelati thi. Tournament mein dekan ka ab tak ka pradarshan mila jula raha hai. Unhonne 2009 mein south Africa mein khitaab jeeta tha jabki 2010 mein chauthe sthaan par raha tha. Lekin anya season mein team taalika mein nichle sthaan par hi rahi thi. Sangakaara ne kaha, 'Match ke liye aap vishesh rananeeti banaate hain, lekin aham hai ki aap maidaan par ise amali jaama kis tarah pahanaate hain. Agar aap iske mutaabik maidaan mein naheen khel paate to yah maayane naheen rakhata ki aap kitni achhi tarah yojana banaate hain. ' shikhar ka na khelna bada jhatka : Sangakaara ne maana ki unki team ko shikhar dhavan ki kami akharegi lekin yah yangastars ke liye apni koovat dikhaane ka mauka hoga. Unhonne kaha, 'Shikhar dhavan kuchh hafte ke liye chot ke kaaran baahar hain. Yah hamaare liye bada nuksaan hai. Mainne shikhar ko apne career ke pehle hi test match mein Australia ke century jadte dekha. Pichhle do season se shikhar hamaari team ka aham hissa rahe hain aur yah durbhaagyapoorn hai ki hamein upalabdh naheen honge. Unka na khelna bada jhatka hai. Hamaare paas achhe vikalp hain. Isse yangastars ko achha mauka milega. ' paarthiv bole, badhiya aagaaj kareinge : Is beech sunrisers ke paarthiv Patel ne bharosa jataaya ki unki team IPL 6 mein badhiya pradarshan karegi. Unhonne kaha, 'Hamaare liye pichhla season achha naheen raha. Lekin hamein ummeed hai ki ham is baar badhiya aagaaj kareinge. Is baar hamaare paas kai nae khilaadi hain. '

Sangakaara Bole, Ham Best Karna Chaaheinge https://www.angrejinews.com/pic/4482