Sandigdh Paristhiti Mein Bhaai-bahan Ki Maut, Maan Naajuk

India »

Sandigdh Paristhiti Mein Bhaai-bahan Ki Maut, Maan Naajuk

ek samvaadadaata . Haapud thaana haafijpur kshetr ke gaanv shaahabadeepur mein sandigdh paristhitiyon mein maan aur bete-beti ne jahareele padaarth ka sevan kar liya. Teenon ko sthaaneeya nursing hom mein bharti karaaya gaya. Jahaan se unhein Meerut ke liye refar kar diya gaya. Vahaan ilaaj ke dauraan bhaai-bahan ne dam tod diya. Aspataal mein maan maut se joojh rahi hai. Vahi, sthaaneeya nursing hom sanchaalak ki taraf se ilaaj ke naam par adhik bill banaane par log bhadak gaye aur unhonne hangaama kiya. Is gaanv mein rahane vaale naresh Kumar haapud tahaseel mein bainaama lekhak hain. Shanivaar ko ghareloo kalah ke chalte usaki patni pravesh va chhah saal ke bete shiva va chaar saal ki beti palak ne sandigdh avastha mein jahareele padaarth ka sevan kar liya. Iski jaankaari milne par parijanon ne teenon ko sthaaneeya nursing hom mein bharti karaaya. Teenon ki haalat naajuk dekh vahaan ke doctoron ne unhein Meerut ke liye refar kar diya. Ravivaar ko ilaaj ke dauraan shiva va palak ne dam tod diya. Jabki pravesh maut se joojh rahi hai. Dopahar mein bachchon ke shav gaanv pahunche to parijanon mein koharaam mach gaya. Ghatna ki soochana milne par thaana haafijpur prabhaari police bal ke saath mauke par pahunche. Gaanvavaalon va parijanon ne kaha ki unhein is maamale mein koi kaarravaai naheen karni hai. Jiske baad police va graameenon ki maujoodagi mein bachchon ke shavon ka antim sanskaar kar diya. Vahi doosari or, sthaaneeya nursing hom sanchaalak ki taraf se ilaaj ke naam par 53 hajaar ka bill banaane par gaanvavaale bhadak gaye. Unhonne nursing hom mein ek ghante tak hangaama kaata. Gaanv ke kuchh logon ne mauke par pahunchakar unhein shaant kiya.

Sandigdh Paristhiti Mein Bhaai-bahan Ki Maut, Maan Naajuk https://www.angrejinews.com/pic/4104