Sandigdh Hijbul Aantaki NIA Jaanch Ke Liye Adhisoochana Jaari

Breaking »

Sandigdh Hijbul Aantaki NIA Jaanch Ke Liye Adhisoochana Jaari

nai Delhi. . Gruh mantraalaya ne hijbul mujaahideen ke sandigdh aatankvaadi liyaakat shaah ki giraftaari ki jaanch raashtreeya jaanch agency (NIA) se karaane ki adhisoochana jaari kar di. Is maamale mein Delhi police aur Jammu Kashmir police ne paraspar virodhi daave kiye the. Sootron ne bataaya tha ki is giraftaari par aaibi ne bhi naaraajagi jataai thi. Ab NIA liyaakat ki giraftaari ki paristhitiyon ki jaanch karegi jise Delhi police ne Bhaarat-Nepal seema ke paas se 20 March ko giraftaar kiya tha aur daava kiya tha ki usaki giraftaari ke saath hi Delhi mein holi se pehle aatmaghaati hamle ki saajish ko naakaam kar diya gaya hai. Jammu Kashmir ke mukhyamantri umar abdulla ne kaha tha ki liyaakat ugravaadiyon ke punarvaas ki neeti ke tahat Pak adhikrut Kashmir (peeoke) se samarpan karne ke liye laut raha tha. Unhonne maamale mein NIA se jaanch karaane ki maang ki thi. Delhi police ka daava hai ki liyaakat hijbul mujaahideen ka aatankvaadi hai vaheen Jammu Kashmir police is baat par jor day rahi hai ki vah samarpan karne ke liye Bhaarat lauta tha. Delhi police ki vishesh ikaai ne yah daava bhi kiya tha ki liyaakat ne sansad par hamle ke doshi Afzal guru ko faansi par latakaaye jaane ka badla lene ke liye hamle ki saajish rachi thi. Haalaanki Jammu Kashmir police ne liyaakat ke parivaar ke daavon ka samarthan kiya ki vah pehle ugravaadi tha aur usane Nepal seema par sanauli chauki par esaesabi ke saamane samarpan kar diya tha tatha punarvaas neeti ke tahat vaapas aa raha tha. Is beech sarkaar ne bhavishya mein is tarah ki ghatnaaon ko rokane ke liye Bhaarat-Nepal seema par Jammu Kashmir police ke pratinidhiyon ko tainaat karne ka faisala kiya hai.

Sandigdh Hijbul Aantaki NIA Jaanch Ke Liye Adhisoochana Jaari https://www.angrejinews.com/pic/3720