Sandigdh Haalat Mein Maut, Parijanon Ne Bataaya Hatya

India »

Sandigdh Haalat Mein Maut, Parijanon Ne Bataaya Hatya

ek samvaadadaata . Jeend raayachandavaala gaanv mein sandigdh paristhitiyon mein ek vyakti ki maut ho gayi. Somvaar subah makaan ke saath lagte khaali plaut mein usaka shav mila. Mrutak ke parijanon ne usaki hatya ki aashanka jataayi hai. Police ne mrutak ke bete ki shikaayat par agyaat vyakti ke khilaaf hatya ka maamala darj kiya hai. Raayachandavaala nivaasi vajeer (50) somvaar subah ghar ke saath lagte khaali plaat mein mrut mila. Shav milne ki soochana milte hi gaanv mein hadkanp mach gaya. Parijanon ne iski soochana police ko di. Police ne mauke par pahunchakar shav ko apne kabje mein le liya. Mrutak ke bete raajabeer ne police ko di shikaayat mein bataaya ki uske pita vajeer ravivaar shaam ko ghoomane ke liye baahar gaya tha. Der raat tak vah jab ghar naheen lauta to use dhoondhane ki koshish ki gayi, lekin uske baare mein kuchh pata naheen chala. Raajabeer ne aarop lagaaya ki uske pita vajeer Singh ki saajish ke tahat kisi ne hatya ki aur baad mein uske shav ko unke ghar ke paas khaali plaut mein feink kar faraar ho gaye. Police ne usaki shikaayat par agyaat vyakti ke khilaaf hatya ka maamala darj karke chhaanabeen shuroo kar di. Taalaab mein mile shav ki shinaakht dharmagadh ke bade taalaab meine mile shav ki shinaakht ho gayi hai. Vah raama colony ka nivaasi naam suresh tha. Somvaar ko police ko is maamale mein safalta mili. Udhar, safeedon ke raamapura rod sthit baabari peer ke paas ek vyakti ka shav mila. Vah daandh ka rahane vaala tha aur usaka naam ramesh tha.

Sandigdh Haalat Mein Maut, Parijanon Ne Bataaya Hatya https://www.angrejinews.com/pic/7915