Sanaaulla Par Ataik Kaise, Javaab Day Sarkaar

India »

Sanaaulla Par Ataik Kaise, Javaab Day Sarkaar

pramukh samvaadadaata . Nai Delhi Pakistani kaidi sanaaulla ranjaya par Jammu ki jail mein hue hamla maamale ko Supreme court ne behad gambheerta se liya hai. Court ne is baare mein kendra sarkaar aur Jammu-Kashmir sarkaar se spashteekaran maanga hai. Court ne poochha hai ki hamle ko rokane ke liye samay rahate jaroori kadam kyon naheen uthaae gaye. Haalaanki, court ne sanaaulla ko Pakistan vaapas bhejane ki anumati dene se inkaar kar diya aur kaha ki abhi usane saja poori naheen ki hai. Justice aar. M. Lodha aur Justice Joseph kuriyan ki bench ne sarkaar se javaab maangane ke alaava jail afsaron par ki gayi kaarravaai ke baare mein bhi report pesh karne ko kaha hai. Court ne sarkaar se yah bhi sunishchit karne ko kaha hai ki is tarah ki ghatna dobaara naheen ho. Court ne sanaaulla ko vaapas Pakistan bhejane ki baat par kaha ki mujarim umrakaid ki saja kaat raha hai aur aise mein use vaapas bhejane ka savaal naheen uthata. Sanaaulla ko maafi dene se aagrah par court ne kaha ki is baare mein sarkaar ne agar faisala kiya to ham judishl review kar sakte hain. Gaurtalab hai ki Jammu-Kashmir painthars paati ke cheef bheem Singh ki yaachika par sunavaai ke dauraan Supreme court ne ye baatein kaheen. Yaachika mein kaha gaya tha ki Bhaarat ki jailon mein 15 saal se jyaada samay se band Pakistani aur doosare deshon ke kaidiyon ko vaapas bheja jaae.

Sanaaulla Par Ataik Kaise, Javaab Day Sarkaar https://www.angrejinews.com/pic/8144