San Pharma-rainabaiksi Ke Vilay Mein Yathaasthiti Aadesh Hata

Business »

San Pharma-rainabaiksi Ke Vilay Mein Yathaasthiti Aadesh Hata

Hyderabad Andhra pradesh haai court ne san pharma aur rainabaiksi ke beech vilay prakriya par yathaasthiti banaae rakhane ka apna aadesh hata liya. BSE aur NSE ko san pharma aur rainabaiksi ke beech is vilay prakriya ki yojana ko manjoori dene se rokane ke liye do niveshakon ne haai court mein yaachika daayar ki thi. Adaalat mein daayar yaachika mein aarop lagaate huye kaha gaya ki 6 April ko san pharma ke saath rainabaiksi ke vilay ki ghoshana se pehle rainabaiksi ke sheyaron mein bhaari kaarobaar kiya gaya. Yaachikaakartaaon ne adaalat se baajaar niyaamak SEBI ko rainabaiksi ke sheyaron mein bhediya kaarobaar ki jaanch karne aur san pharma evam silver street divelapar ke khilaaf uchit kaaryavaai karne ka nirdesh jaari karne ka anurodh kiya tha. Isse pehle adaalat ne is maamale mein yathaasthiti barkaraar rakhane ka antarim aadesh diya tha. Nyaayaadheesh ji chandraiyya ne aaj yathaasthiti sambandhi aadesh ko vaapas le liya. SEBI ne shukravaar ko adaalat ko soochit kiya tha ki is maamale mein bhediya kaarobaar ke aaropon ki jaanch abhi jaari hai. BSE aur NSE donon ko in companiyon ki vilay yojana par apne vichaar baajaar niyaamak SEBI ko abhi bhejane hain. Ullekhaneeya hai ki Mumbai sthit san pharma ne 6 April ko ghoshana ki thi ki vah 3.2 arab dollar mein rainabaiksi ke sabhi sheyaron ko khareed company ka poorn adhigrahan karegi. Ghoshana mein rainabaiksi par 80 karod dollar ke karj ko bhi lene ki baat kahi gayi thi jise milaakar poora sauda 4 arab dollar mein karne ki ghoshana ki gayi thi.

San Pharma-rainabaiksi Ke Vilay Mein Yathaasthiti Aadesh Hata https://www.angrejinews.com/pic/51602