Sambandh Pragaadh Karne Ke Liye Bhaarat Sarkaar Ke Saath Kaam Karne Ko Ichhuk Cheen

Breaking »

Sambandh Pragaadh Karne Ke Liye Bhaarat Sarkaar Ke Saath Kaam Karne Ko Ichhuk  Cheen

Beijing: Loksabha chunaav mein Narendra Modi neet bhaajapa ke nirnaayak vijay par cheen ne kaha ki vah donon deshon ke beech ki dwipaksheeya saajhedaari ko nai bulandiyon par le jaane ke liye Bhaarat sarkaar ke saath kaam karne ka ichhuk hai. cheeni videsh mantraalaya ki pravakta hua chunaying ne patrakaaron se chunaav mein bhaajapa ki jeet par ek savaal ke javaab mein kaha, cheen nai Bhaarat sarkaar ke saath sanyukt prayaas karne, uchch stareeya aavaagaman banaae rakhane, sabhi kshetron mein sahayog ko gaharaai dene aur cheen Bhaarat saamarik saajhedaari ko nai bulandiyaan dene ka ichhuk hai. hua ne kaha ki cheen Bhaarat ke saath apne rishton ko aham maanata hai, kyonki vah usaka kareebi padosi hai aur haal ke varshon mein rishte lagaataar badhe hain. vishleshakon ka kehna hai ki cheen mein Modi ko vyaapak roop se aise shakhs ke roop mein dekha ja raha hai, jo donon deshon ke beech ke vyaapaarik aur aarthik rishton ko khoob badhaava de sakte hain. Alabatta vah seema, Tibet aur dalaai laama muddon par kathor rukh akhtiyaar kar sakte hain.

Sambandh Pragaadh Karne Ke Liye Bhaarat Sarkaar Ke Saath Kaam Karne Ko Ichhuk Cheen https://www.angrejinews.com/pic/50781