Samaajavaadi Party UPA Sarkaar Se Samarthan Vaapas Le Sakti Hai Manmohan Singh

Breaking »

Samaajavaadi Party UPA Sarkaar Se Samarthan Vaapas Le Sakti Hai Manmohan Singh

Nai Delhi. . Pradhaanamantri Manmohan Singh ko UPA sarkaar ko baahar se samarthan day rahe samaajavaadi party supreemo mulaayam Singh par bharosa naheen hai? Guruvaar raat daraban se lautate vakt diye gaye unke bayaan se yahi lagta hai. Manmohan ne special plane mein patrakaaron se baatcheet mein kaha ki samaajavaadi party kendra se samarthan vaapas le sakti hai, in sambhaavnaaon se inkaar naheen kiya ja sakta hai. Pradhaanamantri south Africa ke daraban mein briks deshon ke sammelan mein hissa lene gaye the. Jab unase patrakaaron ne poochha ki kya mulaayam Singh kendra ki UPA sarkaar se samarthan vaapas le sakte hain to unhonne kaha ki in sambhaavnaaon se inkaar naheen kiya ja sakta hai. Haalaanki unhonne saath mein yah bhi kaha ki sarkaar sthir hai aur vakt se pehle chunaav naheen hoga. Manmohan Singh ne kaha ki ham aarthik sudhaaron ko lekar pratibaddh hain aur ise teji se laagoo karne ja rahe hain. Pradhaanamantri ne un aashankaaon ko sire se khaarij kar diya ki sarkaar ke paas samarthan naheen hai isliye aarthik sudhaar ke kadam thande baste mein daalne ki taiyaari hai. Unhonne kaha ki aarthik sudhaaron ke liye sansad mein samarthan ki jaroorat naheen hai. Manmohan Singh ne saaf kaha ki aane vaale maheenon mein aarthik sudhaaro ke kadam teji se uthaae jaaenge. Pradhaanamantri ne gathabandhan sarkaar par kaha ki kai baar lagta hai ki gathabandhan sthir sarkaar naheen day sakta, lekin humne aisa kiya hai. Yah sarkaar bhi apna kaaryakaal poora karegi. Unhonne videsh neeti mein kshetreeya raajaneeti par kaha ki mujhe ummeed hai ki desh ki doosari paartiyaan bhi videsh neeti ke sandarbh mein uthaae ja rahe aham kadamon ka samarthan kareingi. Jab pradhaanamantri se poochha gaya ki kya vah teesare tarm ke liye bhi taiyaar hain? Manmohan Singh ne kaha ki yah kaalpanik savaal hai. Pehle hamalog chunaav ke baad us mukaam tak pahunch to jaaen. Pradhaanamantri ne kaha ki humne poori imaandaari se kaam kiya hai. Meri poori koshish rahi hai ki desh hak mein vah sab kuchh karoon jo kar sakta hoon. Pradhaanamantri ne kaha ki gathabandhan sarkaar mein kai tarah ki majabooriyaan hoti hain lekin ham ise aarthik sudhaaron ke aade naheen aane deinge. Pradhaanamantri ne cheen ke saath hui baatcheet ke baare mein kaha ki Bhaarat cheen ke saath brahmaputr nadi par daim ko lekar ek sanyukt tantr ke saath aakalan karne ke paksh mein hai. Pradhaanamantri ne kaha ki humne cheen ke raashtra pramukh ke samaksh apni bhaavana rakh di hai. Pradhaanamantri ne briks sammelan ko behad sakaaraatmak bataaya. Unhonne kaha ki aane vaale samay mein iske asar dekhne ko mileinge.

Samaajavaadi Party UPA Sarkaar Se Samarthan Vaapas Le Sakti Hai Manmohan Singh https://www.angrejinews.com/pic/3700