Sainya Takhtaapalat Ke Baad America Ne Radd Kiya Thailand Ke Saath Sainya Abhyaas

Breaking »

Sainya Takhtaapalat Ke Baad America Ne Radd Kiya Thailand Ke Saath Sainya Abhyaas

Washington: dakshin Asiaee desh Thailand mein hue sainya takhtaapalat ke baad vahaan lokataantrik shaasan ki fir sthaapana ki maang karte hue America ne Thailand ke saath chal rahe sainya abhyaas ko radd kar diya hai. Iske saath hi America ne kai dwipaksheeya karaar bhi radd kar diye hain. kai maah tak sarkaar-virodhi pradarshan chalne ke baad guruvaar ko Thailand ki sena ne takhtaapalati ke jariye satta par kabja jama liya. Sena junta ne kal desh ki senate ko bhang kar diya. Takhtaapalati ke baad tej gati se kaarravaai karte hue isne pradhaanamantri yingalak shinaavaatra aur satta se hataai gayi sarkaar ke anya sheersh netaaon ko giraftaar kar liya. Pentagon ke press sachiv rear Admiral John kirbi ne kal ek bayaan mein kaha, 'Haalaanki Thailand ke saath hamaare deerghakaalik aur sakaaraatmak sainya sambandh rahe hain. Hamaare apne lokataantrik siddhaanton aur ameriki kaanoon ke anusaar hamein ameriki sainya sahayog aur karaaron par dobaara vichaar karne ki jaroorat hai. ' kirbi ne kaha ki Pentagon jaari abhyaas seeeaaraeti 2014 ko radd kar raha hai. 700 ameriki sainikon ki bhaageedaari vaale in vaashirk nausainya abhyaason mein nausainik, naavik, jahaaj aur vimaan shaamil hain. kirbi ne kaha, 'Jaisa ki humne spasht kar hi diya hai ki royal thai aamrd forces (Thailand ke sainya bal) ko is sainya takhtaapalat ko khatm karna chaahiye aur Thailand ki janta ke liye lokataantrik shaasan ke siddhaanton aur prakriyaaon ko vaapas bahaal karna chaahiye. Iske saath hi chunaavon ke liye bhi raasta saaf karna chaahiye. ' Pentagon ne June mein ameriki prashaant bede ke commander Admiral eairi hairis ki prastaavit Thailand yaatra bhi radd kar di. Iske saath hi usane royal thai armed forces ke commander general taanaasaak ko June mein ameriki prashaant command aane ke liye diya jaane vaala nimantran bhi radd kar diya. videsh mantraalaya ki upapravakta mairi haarf ne ek alag bayaan mein kaha, 'Ham tatkaal naagrik shaasan ki bahaali, bandi banaae gaye netaaon ki rihaai, jaldi chunaavon ke jariye lokatantr ki bahaali aur maanavaadhikaaron evam moolabhoot svatantrata ke sammaan ki maang karte hain. '

Sainya Takhtaapalat Ke Baad America Ne Radd Kiya Thailand Ke Saath Sainya Abhyaas https://www.angrejinews.com/pic/51671