Sailari Ka 5 Parseint Sarkaari Khajaane Mein Deinge Obama

World »

Sailari Ka 5 Parseint Sarkaari Khajaane Mein Deinge Obama

Washington. . America mein jaari aarthik tangi aur bajateeya katauti ke beech ameriki raashtrapati Barack Obama ne apne vetan ka kareeb paanch feesadi yaani 20 hajaar dollar sarkaari khajaane ko lautaane ka faisala kiya hai. Ameriki raashtrapati ka vetan chaar lakh dollar saalaana (do karod rupaye se adhik) hai aur deshvaasiyon ke saath ekajutata dikhaane ke liye vah kareeb 20 hajaar dollar (10 lakh rupaye se adhik) sarkaari khajaane ko lautaaenge. Vaait house ke press sachiv J kaarne ne kal bataaya, 'Congress ke sadasyon ke saath raashtrapati ka vetan kaanoon dvaara tay kiya jaata hai aur use badla naheen ja sakta. Lekin raashtrapati ne faisala kiya hai ki sangh sarkaar mein sarkaari adhikaariyon aur karmachaariyon dvaara kiye ja rahe tyaag ke tahat vah bhi sarkaari khajaane mein apne vetan ka ek hissa jama karaaenge. ' Obama ki maasik aadhaar par sarkaari khajaane ke liye check kaatne ki yojana hai jo ek March se prabhaavi maani jaaegi lekin vah pehla check April mein kaateinge. Isse ek din poorv ameriki raksha mantri chak hegal ne bhi isi prakaar ke kadam ki ghoshana ki thi. Senetar mark begich ne bhi ailaan kiya tha ki vah svaichhik roop se apne vetan ka kuchh hissa sarkaari khajaane mein jama karaaenge tatha unke staaf ke aadhe se adhik sadasyon ne bhi isi prakaar ka kadam uthaaya hai.

Sailari Ka 5 Parseint Sarkaari Khajaane Mein Deinge Obama https://www.angrejinews.com/pic/4424