Sahaara Maamale Ke Judge Ne Sunavaai Se Khud Ko Alag Kiya

Business »

Sahaara Maamale Ke Judge Ne Sunavaai Se Khud Ko Alag Kiya

nai Delhi Supreme court mein sahaara samooh se sambandhit maamale ki sunavaai mein us samay achaanak mod aa gaya jab nyaayaadheesh J. S. Khehar ne khud ko is maamale ki sunavaai se alag kar liya. Maamale ki sunavaai kar rahe doosare judge pehle hi retire ho chuke hain. Iske baad maamale ki sunavaai ke liye ek nai peeth gathit kar di gayi hai. Supreme court ke up rajistraar ki or se jaari bayaan mein kaha gaya hai ki Justice khehar ne chhah May 2014 ko ek chitthi likhi thi jise saat May ko cheef Justice ke saamane rakha gaya. Saat May ko hi cheef Justice ne sahaara samooh se sambandhit maamale ki sunavaai karne ke liye nai peeth ka gathan kar diya. Bayaan mein kaha gaya hai ki Justice khehar ne patra us din likha tha, jis din unhonne aur nyaayamoorti ke. S. Radhakrishnan ne sahaara samooh pramukh subrat Roy ki or se daayar ek yaachika par nirnaya kiya. 14 May ko avakaash grahan karne vaale Justice Radhakrishnan ne record par yeh baat kahi thi ki sahaara maamale mein peeth par kaafi dabaav tha. Supreme court ke adhikaari ne sahaara samooh se sambandhit yaachikaaon par sunavaai karne waali nai peeth ke baare mein vistrut jaankaari naheen di.

Sahaara Maamale Ke Judge Ne Sunavaai Se Khud Ko Alag Kiya https://www.angrejinews.com/pic/50644