Sahaara Ko Supreme Court Ne Lagaai Kadi Fatkaar

Business »

Sahaara Ko Supreme Court Ne Lagaai Kadi Fatkaar

nai Delhi. . Supreme court ne sahaara group aur iske promoter subrat Roy ko inavestars ko 24,000 karod rupae rifand naheen karne ke maamale mein fatkaar lagaai. Un par 'Court ko mainipulet' karne ka aarop bhi laga. Court ne kaha ki alag-alag forum ke paas jaakar sahaara group aur subrat Roy aisa kar rahe hain. Justice ke S Radhakrishnan aur Justice J. S. Khehar ki bench ne SEBI ke notice ka javaab naheen dene par sahaara group aur Roy ko fatkaar lagaai. Adaalat ne Roy aur group ke do daayarektars ashok Roy chaudhari aur ravishankar doobe ko diten karne ki SEBI ki arji par group ko notice jaari kiya. Bench ne ek samay Roy ke vakeel se yah stetameint dene ko kaha ki unke muvakkil desh chhodkar naheen jaaenge. Aisa naheen karne par adaalat ne nirdesh dene ki baat kahi. Haalaanki, usane aisa naheen kiya. Aakhir mein adaalat ne Roy aur unki do companiyon ko javaab dene ke liye ek hafte ka vakt diya. Supreme court ne aadesh diya tha ki agar group ki do companiyaan inavestars ke 24,000 karod rupae rifand naheen karateen, to SEBI unki prauparti ataich kare. Iske baad sahaara ne is maamale mein Allahabad haai court mein yaachika daayar kar di. SEBI ne jab is or Supreme court ka dhyaan dilaaya, to bench ne naaraajagi jaahir ki. Roy ke vakeel ne court mein kaha ki SEBI unke muvakkil ki niji sampatti ataich kar raha hai, jabki vah rifand maamale mein party naheen hai. Is par bench ne kaha, 'Aap court ko mainipulet kar rahe hain. Hamaari dilchaspi ismein naheen hai. Agar aap is maamale mein haai court mein gaye hain, to aapne is adaalat ki avamaanana ki hai. Yah baat hairaan karne waali hai ki Supreme court ke aadesh ke baad aap SEBI se jyaada samay ki maang kar rahe hain aur appeal par appeal daakhil kar rahe hain. Aapko apni galatiyaan sudhaarani chaahiye na ki use doharaana chaahiye. '

Sahaara Ko Supreme Court Ne Lagaai Kadi Fatkaar https://www.angrejinews.com/pic/6414