Sahaara Group Ki Doosari Companiyon Par Pad Sakti Hai Aanch
Business » Friday, March 29, 2013
sugaata ghosh Mumbai SEBI aur sahaara group ke beech ladaai ka asar gurap ki doosari companiyon par bhi pad sakta hai. SEBI ne sahaara group ki do companiyon ko inavestars ke 24,000 karod rupae lautaane ko kaha hai. Sahaara group ka daava hai ki usane inavestars ke paise lauta diye hain, lekin SEBI uske daave ko maanane ko taiyaar naheen hai. Sahaara group ka business inshyoreins se lekar media tak faila hai. Sahaara agar apne kai business ki suraksha ke liye trast banaane jaisa kadam naheen uthaata hai, to use apni kuchh companiyon ke control se haath dhona pad sakta hai. Supreme court ne apne aadesh mein kaha tha ki agar 'Sahaara' paisa lautaane mein naakaam rahata hai to kaipitl market reguletar paise ki rikvari ke liye prauparti ke ataichameint aur sel aur bank account ki freejing jaise sabhi kaanooni tareekon ka istemaal kar sakta hai. Supreme court ke aadesh mein 'Sahaara' ka matlab usaki do companiyon se tha. Is aadesh ke baad SEBI ne donon companiyon aur uske teen daayarektars aur subrat rai ke esets ataich karne ke liye kadam uthaae hain. Sahaara ne iske khilaaf securities apelet traaibyoonal ka darvaaja khatkhataaya hai. Usane Roy ke esets freej karne ke SEBI ke faisale ko chaileinj kiya hai. Group ka kehna hai ki Roy un companiyon mein director naheen hain, jinhein inavestars ka paisa vaapas karne ke liye kaha gaya hai. Roy aur group ke doosare meinbars ko SEBI ke unke bank ekaaunts mein rakhe paise ko jabt karne ya unke vishaal ghar ka pajeshan lene ko lekar jyaada fikr naheen hai. Iske bajaay unhein reguletar ke gurap companiyon mein Roy ke maalikaana hak vaale sheyaron ke ataich hone ki chinta hai. Ab tak adaalati ladaai mein in sheyaron par kisi tarah ka asar naheen pada hai. Sahaara ki maujoodagi kai business mein hain. Ismein eset management, life inshyoreins, hauspitailiti, entertainment channel shaamil hain. Inke alaava embi valley jaisi taaunaship par usaka adhikaar hai. Videsh mein bhi group ke hotel aur prauparti hain. Agar grrup ki companiyon ke jyaada sheyaron par Roy ka maalikaana hai to in sheyaron ke ataichameint se grrrup ki doosari companiyon mein unke onaraship intarest par asar pad sakta hai. In companiyon mein unki hissedaari mein kami aa sakti hai. Set ka faisala chaahe jo bhi aae, SEBI ya sahaara ke Supreme court jaana tay hai. Tab parsanal laayabiliti aur mani flo ka pata lagaane jaise masale khade honge. Is tarah sahaara group ka kaafi kuchh daanv par laga dikhta hai. Yah masala sirf 24,000 karod rupae ka naheen hai, jo sahaara ki do companiyon ko inavestars ko lautaane hain.