Sahaara Case Pehle Sunavaai Karne Ko Supreme Court Raaji

Business »

Sahaara Case Pehle Sunavaai Karne Ko Supreme Court Raaji

Nai Delhi. . Sahaara samooh ke Chairman subrat rai sahaara ko hiraasat mein lene aur unke khilaaf avamaanana ki kaarravaai shuroo karne ki anumati diye jaane ki maang waali SEBI ki yaachika par Supreme court pehle sunavaai karne ko raaji ho gaya hai. Gaurtalab hai ki niveshakon ko 24,000 karod rupaye lautaane ke aadesh ka anupaalan naheen karne ke liye SEBI sahaara ke khilaaf avamaanana ki kaarravaai chaahata hai. Nyaayamoorti ke. S. Radhakrishnan ki adhyakshata waali bench SEBI ki yaachika par 22 April ko sunavaai karegi. SEBI ke vakeel dvaara maamale ko peeth ke samaksh rakhe jaane ke baad peeth is par jald sunavaai karne par sahamat ho gayi. Ullekhaneeya hai ki 15 March ko SEBI ne sahaara samooh ke pravartak subrat rai sahaara ko hiraasat mein lene ki anumati maangate hue Supreme court ka rukh kiya tha. Saath hi, subrat rai ko desh chhodne par rok lagaane ki bhi maang ki thi.

Sahaara Case Pehle Sunavaai Karne Ko Supreme Court Raaji https://www.angrejinews.com/pic/4471