Sage Bhaai Par Rape Aur Principle Par Chhedchhaad Ka Aarop

Breaking »

Sage Bhaai Par Rape Aur Principle Par Chhedchhaad Ka Aarop

pataudi. . 12veen ki pareeksha dene waali ek chhaatra ne police thaane mein apne hi sage bhaai par lagaataar balaatkaar karne ka aarop lagaaya hai. Saath hi peedit chhaatra ne school ke principle par bhi chai banaane ke bahaane ghar bhejkar chhedchhaad karne ka aarop lagaaya. Pataudi thaana police ne chhaatra ke bayaan par donon aaropiyon ke khilaaf maamala darj kar liya hai. Bhaai bachapan se kar raha hai rape jaankaari ke mutaabik, chhaatra ka kehna hai ki jab vah chauthi kaksha mein padhti thi, tabhi se hi usaka saga bhaai uske saath lagaataar balaatkaar kar raha hai. Usane dhamaki di thi ki yadi kisi ko ghatna ki jaankaari di to maata-pita use ghar se nikaal deinge. Chhaatra ka bhaai aaj ki taareekh mein navy mein kaam karta hai. School ka principle karta hai chhedchhaad chhaatra ne apne school ke principle par bhi gambhir aarop lagaae hain. Chhaatra ka kehna hai ki uske principle ne kai baar use apne ghar chai banaane ke bahaane bheja aur peechhe-peechhe vah bhi chala aata tha. Aarop hai ki ek baar uske principle ne uske saath ashleel harkat tak ki. Chhaatra ne yah bhi aarop lagaaya hai ki vah apne ghar mein bhi surakshit naheen hai. Pataudi thaana police ne chhaatra ke bayaan par ek aaropi ko giraftaar kar chhaanabeen shuroo kar di hai. School ne kiya aaropon ka khandan doosari taraf, is maamale ko lekar school management committee aur kuchh logon ne mangalvaar ko ACP se mulaakaat ki. Logon ne ACP ko bataaya ki poora maamala farji hai. Logon ne bataaya ki chhaatra ka apni hi kaksha ke ek chhaatr se prem-prasang chal raha tha. Ek baar principle ne uske dvaara bheja gaya prem patra pakad liya aur donon bachchon ki maan ko bulaakar kah diya ki unke bachchon se school ka maahaul kharaab hota hai. Saath hi unhonne donon ki maan se kaha ki unke bachche school na aaen, keval pareeksha dene hi aaen. Aarop hai ki isi vajah se chhaatra ne pareeksha khatm hote hi principle par aarop lagaaya hai. Is maamale ki jaankaari hone par ACP ne kaha ki chhaatra ne mahila DSP aur ek vakeel ke samaane apna bayaan diya hai. Maamale ki gahanata se jaanch karavaai jaaegi. Bata dein ki chhaatra ki pareeksha somvaar ko khatm hui. Uske baad usane ghar jaane ke bajaay seedhe police thaane mein jaakar maamale ki shikaayat ki

Sage Bhaai Par Rape Aur Principle Par Chhedchhaad Ka Aarop https://www.angrejinews.com/pic/3082