'Safal Team Ke Liye Khilaadiyon Ka Captain Par Bharosa Jaroori

Cricket »

'Safal Team Ke Liye Khilaadiyon Ka Captain Par Bharosa Jaroori

Mumbai. . Poorv bhaarateeya kaptaan saurav Ganguly ka maanana hai ki cricket team ki aguvaai karna parivaar chalaane ki tarah hi hai jismein yadi kaptaan apne sadasyon ka bharosa kho deta hai to ve khud ke liye khelna shuroo kar deinge. Ganguly ne kal raat yahaan ek kaaryakram mein Australia ke poorv diggaj Adam Gilchrist ke saath leadership par charcha karte hue kaha, 'Ek leedar hone ke kaaran yadi aap achhi team chaahate ho to aapko apne khilaadiyon ke saath paaradarshi hona hoga. Kaptaan ka sabse bada hunar apne khilaadiyon ka bharosa jeetna hota hai. ' unhonne kaha, 'Ham aise maahaul mein rahate hain jahaan ham khilaadiyon ko baahar karte hain aur jab aap team se baahar hote ho to aapke dimaag mein kai tarah ke savaal uthate hain. Kisi ko baahar karna aasaan hai lekin aapko usase baat karni hoti hai. Aapko use bataana hota ki abhi aapki sthiti yahi hai. Hamein lagta hai ki aapko baithna pad sakta hai lekin ham aapko team mein vaapas chaahate hain. Aise mein vah khushi se baahar hoga. ' Ganguly ne kaha, 'Aur jab vah vaapasi karega to use pata hota hai ki captain ne apni baat rakhi hai aur vah apna sau paraseint dega. Yadi is tarah ki paaradarshita aur bharosa paida naheen hota hai to team khel mein kisi mukaam par aapko lagega ki khilaadi khud ke liye khelne lag gaye hain. Yahi se sthiti bigdti hai. Aapko is tarah ki paristhiti mein pahunchane se bachane ki jaroorat hai. '

'Safal Team Ke Liye Khilaadiyon Ka Captain Par Bharosa Jaroori https://www.angrejinews.com/pic/7339