Safaai Karmiyon Ne Vidhaan Bhavan Tak Nikaala Morcha

India »

Safaai Karmiyon Ne Vidhaan Bhavan Tak Nikaala Morcha

vishesh samvaadadaata. Lucknow : Uttar pradesh safaai sanyukt morcha ki appeal par Lucknow samet sabhi nagar nigmon mein safaai karmachaari hadtaal par rahe. Sanyukt morcha ke netrutv mein safaai karmachaariyon ne Budhvaar ko Lucknow nagar nigam mukhyaalaya se vidhaan bhavan tak morcha nikaala aur dharana diya. Morchein ke neta shyaamalaal baalmeeki ne bataaya ki kai baar shaasan star par vaarta ke baad bhi safaai karmiyon ki samasyaaon ka niptaara na hone par hadtaal karne ke liye majaboor hona pada. Isse pehle unhonne nagar nigam hedakvaurtar par bhi pradarshan kiya. Unhonne bataaya ki poore pradesh mein 17 hajaar safaai karmiyon ke pad rikt hai. Lucknow mein hi 400 padon par abhi tak bharti naheen ho saki, jisse is samaaj ke logon par kaam ka beintaha bojh laad diya gaya hai. Pradesh ke sabhi nagar nigmon mein safaai kaarya private haathon mein saunpane ki saajish rachi ja rahi hai. Unhonne bataaya ki morcha ki pramukh maangon mein theke par safaai ki pratha band karne ke alaava kauntraikt par tainaat safaai karmiyon ko niyamit karne aur rikt pade sthaayi padon par tatkaal bharti karne ki hai. Shyaamalaal ne bataaya ki Lucknow ke 13 wardon mein safaai ka kaam niji haathon mein diya ja chuka hai aur 6 wardon ko niji haathon mein dene ki taiyaari ho rahi hai. Nagar aayukt Rakesh Kumar Singh ne bataaya ki safaai karmiyon ki maang shaasan star ki hai. Unhonne bataaya ki hadtaal se koi fark naheen pada. Sabhi jagah safaai kaarya rojaana ki tarah hi hue.

Safaai Karmiyon Ne Vidhaan Bhavan Tak Nikaala Morcha https://www.angrejinews.com/pic/5193