Sadak Haadase Mein 4 Mare, 7 Ghaayal

India »

Sadak Haadase Mein 4 Mare, 7 Ghaayal

agencyan . Baaraabanki : UP ke baaraabanki shahar mein guruvaar ko ek auto riksha aur roadways bas ki takkar mein 4 logon ki maut ho gayi, vaheen 7 anya ghaayal ho gaye. Police sootron ne bataaya ki Lucknow-baharaaich maarg par naveen mandi ke saamane yaatriyon ko lekar shahaabapur ja rahe ek auto riksha ko baharaaich ki taraf se aa rahi tej raftaar roadways bas ne jordaar takkar maar di. Is haadase mein auto riksha chaalak nafees (21) samet 4 logon ki mauke par hi maut ho gayi aur 7 anya jakhmi ho gaye. Ghaayalon ko aspataal mein bharti karaaya gaya hai. Ghatna ke baad roadways bas ka chaalak vaahan sahit mauke se faraar ho gaya. Autorickshaw mein savaar log balaraamapur jile ke the aur jiyaarat ke liye baaraabanki sthit deva shareef ja rahe the. Kotavaali prabhaari harishchandr Singh ne bataaya ki ghatna ke baad gussaae sthaaneeya logon ne sadak jaam kar doosari roadways bason va kuchh niji vaahanon mein todfod ki. Ghatna ke baad badi sankhya mein police bal ko mauke par bheja gaya aur bheed se baatcheet karne ke baad jaam khulavaaya gaya. Faraar roadways bas ke chaalak ke baare mein jaankaari jutaai ja rahi hai.

Sadak Haadase Mein 4 Mare, 7 Ghaayal https://www.angrejinews.com/pic/8855