Sachin Tendulkar Vaastav Mein Run Banaane Ke Liye Bhookhe Honge Shaastri

Cricket » Tuesday, February 19, 2013

Melbourne: Poorv bhaarateeya kaptaan ravi shaastri ko ummeed hai ki star ballebaaj sachin Tendulkar Australia ke khilaaf 22 February se chennai mein shuroo ho rahi chaar test maichon ki series mein achha pradarshan kareinge. Shaastri ne kaha, vah bhookha hoga. Vah vaastav mein bhookha hoga. Yadi Australia unhein pehle do maichon mein run banaane deta hai to yah Tendulkar ke liye bahut badi series hogi. Unhonne kaha, vah shuroo mein thoda nervous rahega lekin yadi vah pehli do paariyon mein 50, 60 ya 70 ka score bana deta hai to fir yah unke liye bahut badi series hogi. Tendulkar ne test maichon par dhyaan keindrit karne ke liye December mein ekadivseeya maichon mein sannyaas le liya tha. Is star ballebaaj ne pichhli 31 test paariyon aur 17 match se shatak naheen lagaaya hai. Lekin shaastri ka maanana hai ki Tendulkar ab bhi bhaarateeya ballebaaji laainaap mein sarvashreshth hain. Unhonne kaha, England ne behatareen geindabaaji ki, lekin main samajhta hoon ki unhein do maheene ka vishraam mila hai aur iska upayog unhonne taiyaariyon ke liye kiya hoga. Main chaahata hoon ki vah sakaaraatmak bana rahe. Yadi vah aisa karte hain to hamein unase achhi paariyaan dekhne ko mileingi.