Sachin Se Lekar Rahaane Tak Anubhavi Ballebaaj Sanbhaalate Rahe Hain Vishv Cup Mein Number Chaar Ki Jimmedaari

Cricket »

Sachin Se Lekar Rahaane Tak Anubhavi Ballebaaj Sanbhaalate Rahe Hain Vishv Cup Mein Number Chaar Ki Jimmedaari

. . . . Dharmendr pant . . . . nayi Delhi, 15 May (bhaasha) Bhaarat jab 2011 mein doosari baar vishv champion bana to viraat Kohli aur Yuvraj Singh ne ballebaaji kram mein number chaar par aham bhoomika nibhaayi thi lekin ab aath saal baad vishv cup se theek pehle bhaarateeya team madhyakram ke is mahatvapoorn sthaan ko lekar uhaapoh mein hai jis par kabhi sachin Tendulkar ne bhi apni chamak bikheri thi. Bhaarat ki taraf se 30 May se Britain mein hone vaale vishv cup mein number chaar kaun ballebaaj utarega yeh team chayan ke baad se hi charcha ka vishay bana hua hai. Chayanakartaaon ne vijay shankar ko is sthaan ke liye chuna lekin vah IPL mein apekshit pradarshan naheen kar paaye. Keel Rahul ne achhi firm mein dikhaakar apna daava majaboot kiya hai jabki dinesh kaartik aur Mahendra Singh Dhoni ko bhi is sthaan par bheja ja sakta hai. inmein se shankar, Rahul aur kaartik ko vishv cup ka anubhav naheen hai. Dhoni teen vishv cup mein khele hain lekin vah keval ek baar 2007 mein number chaar par ballebaaji ke liye utare jismein unhonne 29 run banaaye the. to kya Kohli teesare number ke bajaay chauthe number par utarana pasand kareinge? Aakhir vishv cup 2011 mein vah is bhoomika mein khare utare the. Vartamaan bhaarateeya kaptaan tab paanch maichon mein number chaar par utare the jinmein unhonne ek shatak ki madad se 202 run banaaye the. Yuvraj ne bhi do maichon mein is sthaan ki jimmedaari sambhaali thi jismein baayein haath ke is ballebaaj ne ek shatak ki madad se 171 run banaaye the. Bhaarat jab 1983 mein vishv champion bana tha tab yashapaal sharma (teen maichon mein 112 run) aur sandeep Patil (teen maichon mein 87 run) ne number chaar par upayogi yogadaan diya tha. Dileep Vengsarkar do maichon mein is sthaan par utare the jismein unhonne 37 run banaaye the. Vengsarkar 1987 mein paanch maichon mein number chaar ballebaaj ke roop mein khele the jismein unke naam par 171 run darj hai. pehle do vishv cup mein gundappa vishvanaath (kul chhah maichon mein 145 run) ne yeh bhoomika bakhoobi nibhaayi thi jabki 1992 mein Tendulkar (saat match mein 229 run) ke liye yeh number tay tha. Tendulkar ne vishv cup mein Bhaarat ki taraf se number chaar par sarvaadhik 12 match khele hain jinmein unke naam par 400 run darj hai. Unke baad mohammad ajaharooddeen (nau maichon mein 238 run) ka number aata hai. Vah 1996 mein chhah maichon mein number chaar par utare the lekin naabaad 72 run ki ek paari ke alaava koi kamaal naheen dikha paaye the. England mein pichhla vishv cup 1999 mein khela gaya tha aur tab Ajay jadeja (teen maichon mein 182 run), Tendulkar (teen maichon mein 164 run) aur Azhar (do maichon mein 31 run) ne is number ki jimmedaari sambhaali thi. Iske chaar saal dakshin Africa mein khele gaye vishv cup mein mohammad kaif sarvaadhik chhah maichon mein number chaar par utare the jismein unhonne 142 run banaaye. Unke alaava Rahul Dravid, saurav Ganguly, Yuvraj aur nayan mongiya ko bhi is sthaan par aajamaaya gaya tha. Kohli ne vishv cup 2011 ke baad number teen par achhi jimmedaari nibhaayi aur yahi vajah hai ki vishv cup 2015 mein ajinkya rahaane saat maichon mein is sthaan par ballebaaji ke liye utare jismein unhonne 208 run banaaye. Ek match mein suresh raina ne yeh jimmedaari sambhaali aur 74 run ki paari kheli. Ye donon is samay vishv cup team mein naheen hain.

Sachin Se Lekar Rahaane Tak Anubhavi Ballebaaj Sanbhaalate Rahe Hain Vishv Cup Mein Number Chaar Ki Jimmedaari https://www.angrejinews.com/pic/274654