Sachin Ki Performance Aivarej Mein Bhaari Giraavat

Cricket »

Sachin Ki Performance Aivarej Mein Bhaari Giraavat

Nai Delhi. . Pichhle do saal mein koi shatak naheen laga paane aur lagbhag 32 run prati paari ki dar se run banaane ke kaaran sachin Tendulkar ke ovaraol ausat mein bhi giraavat I hai jo pichhle 14 saal mein pehli baar 54 run prati paari se neeche aa gaya hai. Australia ke khilaaf haal hi mein samaapt hui chaar maichon ki series ke Delhi mein khele gaye chauthe aur antim match mein 32 aur ek run banaane ke kaaran Tendulkar ka ausat girkar 53.86 ho gaya. Yah pichhle chaudah saalon mein yah pehla mauka hai jabki is star ballebaaj ka ausat itne kam star par pahuncha hai. Isse pehle February 1999 mein Pakistan ke khilaaf Kolkata mein khele gaye match ke baad Tendulkar ka ausat 54 run prati paari se kam huaa tha. Yah vahi match tha jismein pehli paari mein unhein shoeb Akhtar ne shoonya par out kiya tha jabki doosari paari mein vah vivaadaaspad tareeke se nau run banaakar run out ho gaye the. Isse Tendulkar ka ausat 53.19 par pahunch gaya tha. Tendulkar ne haalaanki iske baad Sri Lanka ke khilaaf Colombo mein jo agala match khela tha usamein 53 aur naabaad 124 run ki do shaanadaar paariyaan kheli thi jisse unka ausat badhkar 54.49 par pahunch gaya tha. Iske baad master blaastar ne kabhi peechhe mudkar naheen dekha aur agale 14 varsh tak apne ausat ko kabhi 54 se kam naheen aane diya. Is beech February 2002 mein Zimbabwe ke khilaaf Nagpur mein 176 run banaane se unka ausat 58.87 par bhi pahuncha tha jo Tendulkar ke career ka sarvashreshth ausat hai. June 2001 se December 2002 tak Tendulkar ka ausat 57 aur 58 run prati paari ke kareeb raha, lekin dakshin Africa ke khilaaf January 2011 mein aakhiri baar shatak jadne ke baad unke ausat mein lagaataar giraavat aane lagi. Tendulkar ne iske baad 38 paariyaan kheli hain jinmein vah century jadne mein naakaam rahe. In paariyon mein unhonne 32.19 ki ausat se 1159 run banaaye hain jismein aath ardhashatak shaamil hain. Tendulkar ne chaar January 2011 ko Cape Town mein 146 run ki paari kheli thi. Is match ke baad unka ausat 56.94 par pahunch gaya tha lekin lagaataar badi paari naheen khel paane ke kaaran iske theek ek saal baad January 2012 mein Australia ke khilaaf Perth mein khele gaye test match mein se sachin ka ausat 56 se neeche gir gaya tha. Australia ke daure par Tendulkar ne 35.87 ki ausat se 287 run banaae. Is series ke aakhir mein unka ausat 55.44 par pahunch gaya. Iske baad vah new jeelaind ke khilaaf do match ki teen paariyon mein keval 63 run bana paae. Iska bura asar unke ovaraol aivarej par bhi pada jo 55 se bhi neeche pahunchane ki sthiti mein aa gaya. England ke khilaaf Ahmedabad mein khele gaye pehle test match mein keval 13 run banaane ke kaaran unka ausat 54.93 tak ludhak gaya tha. Tendulkar ne England ke khilaaf ghareloo series mein 18.66 ki ausat se 112 run banaae the. Svaabhaavik tha ki unka ausat isse buri tarah prabhaavit huaa. Bhaarat ne yah series 1-2 se ganvaai thi aur iske aakhir mein Tendulkar ka ausat bhi 54.32 par pahunch gaya tha. Australia ke khilaaf haal hi mein samaapt hui series ke chennai mein khele gaye pehle match mein Tendulkar ne 81 aur naabaad 13 run banaakar apna ausat 54.46 par pahunchaaya lekin iske baad agali paanch paariyon mein vah 7, 37, 21, 32 aur 1 run hi bana paae. Is tarah se vah series mein 32.00 ki ausat se 192 run hi bana paaye the jisse unka ausat 21veen sadi mein pehli baar 54 se neeche khisak gaya.

Sachin Ki Performance Aivarej Mein Bhaari Giraavat https://www.angrejinews.com/pic/3797