Sachin Ke Sannyaas Lene Par Test Cricket Mar Jaaega Ranatunga

Cricket »

Sachin Ke Sannyaas Lene Par Test Cricket Mar Jaaega  Ranatunga

Bengaluru: Sri Lanka ke vishwacup vijeta poorv kaptaan arjun ranatunga ka maanana hai ki yadi sachin Tendulkar jaise khilaadi sannyaas le leinge, to test cricket mar jaaega. Unhonne kaha, yadi sachin jaise khilaadi test cricket naheen kheleinge, to test cricket mar jaaega. Main duaa karoonga ki vah test cricket khelta rahe. Mujhe one-day cricket se uske sannyaas ki khabar par bahut khushi hui. Mere hisaab se test cricket hi gyaan hai aur chhote praaroop sirf manoranjan. Sri Lanka ko 1996 mein ekamaatr vishwacup dilaane vaale ranatunga ne kaha ki Tendulkar ke bheetar abhi kaafi cricket hai. Yah poochhane par ki ghareloo maichon mein do shatak jamaakar kya sachin vaapasi ki raah par hain, unhonne kaha ki 39 baras ka hone ke baavajood sachin kai yuva bhaarateeya khilaadiyon se behtar hai. Unhonne kaha, yadi vah ek achhi paari khelta hai, to mujhe yakeen hai ki vah do-teen saal bina kisi dikkat ke khel sakta hai. Antararaashtreeya cricket se jude masalon par ranatunga ne ICC ko aade haathon lete hue kaha ki ICC reedhaheen hai. Vivaadit deeaaraes laagoo naheen karne ke liye BCCI ki aalochna karne ki bajaay ranatunga ne ICC par bhadaas nikaali. Unhonne kaha, main BCCI ko dosh naheen deta, lekin ICC deeaaraes ko anivaarya naheen karne ke liye kasooravaar hai. Use is masale par mejabaan desh ko faisale ka adhikaar naheen dena chaahiye tha. Sri Lanka paryatan ke ek prachaar kaaryakram mein aae ranatunga ne kaha, ICC sirf kehti hai, karti kuchh naheen. Use deeaaraes masale par deshon ko naheen, balki khel ko bachaana chaahiye.

Sachin Ke Sannyaas Lene Par Test Cricket Mar Jaaega Ranatunga https://www.angrejinews.com/pic/2548