Sachin Jab Tak Khelna Chaahate Hain, Khelein Ganguly

Cricket » Tuesday, March 26, 2013

agencyan . Kolkata Bhaarat ke poorv cricket captain saurabh Ganguly ne kaha ki sachin Tendulkar ko tab tak khelna chaahiye jab tak vah khelna chaahate hain. Ganguly ne yahaan kaha, 'Sachin Tendulkar ke retire hone ki baabat keval vakt hi bataaega. Vah jab tab khelna chaahata hai khele, bhale hi yah south Africa mein ho, New Zealand mein ho ya kaheen aur. ' sachin ki form ki baabat poochhe jaane par Ganguly ne kaha, 'Jeet hamesha hi team prayaas hoti hai. Hamein chennai mein chaar test maichon ki series ke pehle test mein sachin ke yogadaan ko naheen bhoolana chaahiye. Sachin ki 81 run ki paari ne hi tab team India ko bachaaya tha jab team ne do wicket ganva diye the. ' Ganguly ko lagta hai ki Ferozshah Kotla mein Sunday ko series ke chauthe aakhiri test match mein cheteshvar pujaara ko main of the' match milna chaahiye tha jo Ravindra jadeja ko 58 run mein paanch wicket lene ke liye mila. Pujaara ne mushkil spin pitch par 52 aur not-out 82 run banaae. Mere liye chauthe test mein main of the' match pujaara hain. '