Sachin Bansal Ne Ola Mein 650 Karod Rupaye Ka Nivesh Kiya

Breaking »

Sachin Bansal Ne Ola Mein 650 Karod Rupaye Ka Nivesh Kiya

Nai Delhi Flipkaart ke sah sansthaapak sachin bansal ne desh ki aip aadhaarit cab seva company ola mein 650 karod rupaye ka nivesh kiya hai. Isse ola ko apni pratidvandvi company Uber ke saath pratispardha mein madad milegi. Ola ne mangalvaar ko bayaan mein kaha ki bansal ne yeh nivesh apni niji haisiyat se kiya hai aur yeh kisi ke dvaara vyaktigat roop se company mein kiya gaya aaj tak ka sabse bada nivesh hai. January mein ola ne shrrunkhala J daur ke vittaposhan ke tahat bansal ko 150 karod rupaye ke share jaari kiye the. Sachin bansal ne ek dashak pehle binni bansal ke saath flipkaart ki sthaapana ki thi. America ki khudara kshetr ki company Walmart ne flipkaart mein 77 pratishat hissedaari 16 arab dollar mein khareedi hai, jiske baad sachin bansal isse baahar nikal gaye. Sachin bansal ne kaha ki ola desh ka sabse teji ke saath badhne wala upabhokta kaarobaar hai, jo gahra prabhaav chhod rahi hai. Ola ne ek arab dollar ka vittaposhan jutaane ki yojana banaai hai. Sachin bansal dvaara kiya gaya nivesh isi ka hissa hai. Bengaluru ki company ola ne pichhle saal October mein cheen ki tenseint holdings aur sauftabaink group se 1.1 arab dollar ka vittaposhan jutaaya tha.

Sachin Bansal Ne Ola Mein 650 Karod Rupaye Ka Nivesh Kiya https://www.angrejinews.com/pic/255812