Sabareemaala Vivaad Jald Hi Saamaanya Jeevan Mein Lauteingi Bindoo Ammini Aur Kanakadurga

India »

Sabareemaala Vivaad Jald Hi Saamaanya Jeevan Mein Lauteingi Bindoo Ammini Aur Kanakadurga

J soorya, tiruvanantapuramasabareemaala mandir mein pooja karne waali do mahilaaen ab apne-apne gharon ko laut jaaengi aur agale saptaah se kaam shuroo kareingi. Supreme court ki paanch sadasyeeya samvidhaan peeth dvaara sabareemaala mandir mein ek khaas aayu varg mahilaaon ko pravesh diye jaane ka faisala sunaaya tha, jiske baad 50 saal se kam umr ki do mahilaaen bindoo ammini aur kanakadurga ne mandir ke darshan kiye the. Mandir mein pravesh karne ke baad se ehatiyaatan kisi agyaat sthaan par rah rahi theen. Mandir mein pravesh ke baad hindutvavaadi taakaton se dhamakiyaan milne ki khabaron ka khandan karte hue, bindoo aur kanakadurga ne kaha ki yeh sunishchit karne ke liye vah ghar se door rah raheen thi ki sthiti saamaanya ho jaae. Kerala ke kojhikod ki nivaasi bindoo aur malappuram jile ki kanakadurga ne 2 January ko sabareemaala mandir mein pravesh kiya tha. Ek agyaat sthaan se phone par hamaare sahayogi teeoaai se baat karte hue bindoo ne kaha ki vah agale hafte kannoor vishvavidyaalaya ke school of leegal stadeej mein padhaana shuroo kareingi. Bindoo ne kaha, 'Mandir mein pooja karne ke do din baad, humne apne phone ko svich on kiya tha. Hamaare paas bahut saare phone aae. Koi khatra naheen tha. Hamein kojhikod mein aayojit hone vaale Kerala lit fest mein bhaag lene ka nimantran mila tha, lekin humne vahaan naheen jaane ka faisala kiya. Ham kaheen bhi dange jaisi sthiti paida naheen karna chaahate hain. ' vaheen kanakadurga ne kaha ki vah ravivaar ya somvaar ko ghar laut jaaengi. Raajya naagrik aapoorti vibhaag mein kaaryarat kanakadurga ne kaha, 'Ab tak, hamein suraksha sambandhi kisi bhi samasya ka saamana naheen karna pada hai. ' in donon mahilaaon ne kaha ki vah jald hi saamaanya jeevan mein laut aaengi. Haalaanki unhonne apne vartamaan thikaane ka khulaasa karne se inkaar kar diya, lekin kaha ki vah raajya mein hi hain. Vaheen, bindoo ne kaha, 'Ham sthiti ke saamaanya hone ki prateeksha kar rahe hain. Aavashyakta hone par police ne hamein suraksha dene ka aashvaasan diya hai. ' Bindoo aur kanakadurga ke gharon par Kerala police lagaataar suraksha muhaiya kara rahi hai. Police ki salaah par kuchh dinon ki chhutti ke baad donon mahilaaon ke parivaar ke sadasya pehle hi apne niyamit kaam par laut chuke hain. Is beech, pichhle saptaah sabareemaala mandir mein pravesh karne waali Kerala dalit federation ki mahila-ving ki raajya mahaasachiv SP manjoo pehle hi apne ghar laut I hain. SP manjoo ne kaha, 'Jab tak mere mandir mein pravesh ki khabar saamane naheen I thi, tab tak mainne apne dopahiya vaahan par ilaake mein ghoom rahi thi. Lekin ab mere ghar par police ne suraksha muhaiya karaai hai. Main hamle ke dar se ghar ke andar naheen baithi rah sakti thi. ' unhonne kaha, 'Pichhli baar mandir mein ghusne ka prayaas karne ke baad pradarshanakaariyon ne meri sampattiyon ko nuksaan pahunchaaya tha. Is baar mainne sabhi netaaon ko soochit kiya hai ki vah jahaan chaaheinge main vahaan aaoongi. Unhein mere saamaan ko kabhi naheen chhoona chaahiye. '

Sabareemaala Vivaad Jald Hi Saamaanya Jeevan Mein Lauteingi Bindoo Ammini Aur Kanakadurga https://www.angrejinews.com/pic/247334