Sabareemaala Mandir Ab Ek Aur Mahila Ne Pravesh Ka Kiya Daava

India »

Sabareemaala Mandir Ab Ek Aur Mahila Ne Pravesh Ka Kiya Daava

Tiruvanantapuram Kerala ke sabareemaala mandir mein mahilaaon ki entry ko lekar vivaad thamane ka naam naheen le raha hai, vaheen doosari or mahilaaen mandir mein pravesh ko lekar daava kar rahi hain. Ab 36 saal ki kollam nivaasi SP manjoo ka daava hai ki unhonne mandir mein pravesh kiya. Yahi naheen, unhonne sannidhnam pul par apni tasveerein aur vidiyo bhi jaari kiye. Agar manjoo ka daava sahi hai to vah 10 se 50 varsh ke aayu varg ki chauthi mahila hongi jinhonne mandala satr mein mandir ke darshan kiye. Kerala dalit federation mein kaaryarat manjoo ne kaha, 'Main akeli thi aur mujhe police ki sahaayata bhi naheen mili, mainne mandir ki pavitra 18 seedhiyaan chadhkar pravesh kiya tha. ' Sabareemaala mandir mein mahilaaon ke pravesh ko lekar vivaad jaari Police ne naheen ki hai pushti Manjoo subah saadhe saat baje sannidhnam pahunchi theen aur neyyaabhishekam samet sabhi reeti-rivaaj mein shaamil huin. Iske baad saadhe das baje vah panba laut gain. Manjoo ne isse pehle October mein mandir ki seedhiyaan chadhne ki koshish ki thi, jab yeh maasik pooja ke liye khola gaya tha lekin police ne unhein panba mein hi rok diya tha. Filhaal police ne abhi is baat ki pushti naheen ki hai ki manjoo ne mandir mein pravesh kiya ya naheen. Ek police team ne manjoo ke ghar jaakar unka bayaan darj kiya hai. Isse pehle Kerala ki do mahilaaen (kanakadurga-bindoo) aur ek shreelankaai mahila police ki madad se mandir mein ghusi theen. Iske baad Kerala hinsa ki aag mein jhulas utha tha aur kai log jakhmi ho gaye the. Sabareemaala: Kerala uchch nyaayalaya ne police report par sarkaar se kiye savaalaX.

Sabareemaala Mandir Ab Ek Aur Mahila Ne Pravesh Ka Kiya Daava https://www.angrejinews.com/pic/246843