Saansad Ambika Bannerjee Ke Nidhan Se JPC Ki Baithak Sthagit

Breaking »

Saansad Ambika Bannerjee Ke Nidhan Se JPC Ki Baithak Sthagit

Nai Delhi. . Trinamool Congress se Loksabha ke sadasya Ambika Bannerjee ke nidhan ke kaaran guruvaar ko hone waali JPC ki baithak sthagit kar di gayi hai. 2ji maamale ki jaanch kar rahi JPC ki is baithak mein masauda report par charcha honi thi. JPC ke pramukh PC chaako ne baithak sthagit hone ki jaankaari dete hue kaha ki ab yah agale saptaah ho sakti hai. Loksabha mein Trinamool Congress ke vartamaan saansad Bannerjee aur poorv saansad si kuppoosvaami ko shraddhaanjali dene ke baad unke sammaan mein sadan ki kaaryavaahi dinbhar ke liye sthagit kar di gayi. Aaj subah kaaryavaahi shuroo hone par adhyaksh meera Kumar ne sadan ko Ambika Bannerjee ke nidhan ki jaankaari di. Bannerjee 15veen Loksabha mein pashchim Bengal ki haavada seat se Trinamool saansad the. Vah kai sansadeeya samitiyon ke sadasya bhi rahe. Ve pashchim Bengal vidhaanasabha ke sadasya bhi rah chuke the. Bannerjee ka guruvaar tadke Kolkata mein nidhan ho gaya. Vah 84 varsh ke the. Adhyaksh ne sadan ko poorv saansad si kuppoosvaami ke nidhan ke baare mein bhi jaankaari di. Unhonne 1998 se 2009 tak tamilnaadoo ki chennai uttar seat ka pratinidhitv kiya. Vah sakriya majadoor sangh neta the aur asangathit kshetr ke majadooron ke liye unhonne kaafi kaam kiya. Kuppoosvaami ka nidhan 19 April 2013 ko 86 varsh ki aayu mein huaa. Sadasyon ne kuchh palon ka maun rakhakar shraddhaanjali vyakt ki. Iske baad Loksabha adhyaksh meera Kumar ne sadan ki kaaryavaahi dinbhar ke liye sthagit kar di.

Saansad Ambika Bannerjee Ke Nidhan Se JPC Ki Baithak Sthagit https://www.angrejinews.com/pic/6738