Saaniya Ne Dubai Tennis Ka Yugal Khitaab Jeeta

Breaking »

Saaniya Ne Dubai Tennis Ka Yugal Khitaab Jeeta

Dubai: Bhaarat ki saaniya mirja ne satr ka apna doosra yugal khitaab jeeta jab unhonne baatheni maatek sands ke saath milkar yahaan dubai duty free tennis championship ke khitaabi mukaabale mein Nadia petrova aur Katrina sarabotanik ki jodi ko haraaya. Bhaarat aur America ki gairvareeya jodi ne 20 lakh dollar inaami hard court pratiyogita ke mahila yugal final mein roos aur sloveniya ki jodi ko 6-4, 2-6 (10-7) se haraaya. Mukaabala ek ghanta aur 32 minute chala. Saaniya aur baatheni ki jodi ne pehle set mein aasaan jeet darj ki lekin petrova aur sarabotanik ne doosare set mein jordaar vaapasi karte hue ise jeet liya. Bhaarat aur ameriki jodi ne iske baad match tie-breaker mein jeet darj karte hue khitaab apne naam kiya. Is jodi ne pichhle maheene Brisbane international ka khitaab jeetkar 2013 satr ki shaanadaar shuruaat ki thi. Yah saaniya ka yugal mein 16vaan khitaab hai jabki vah ek ekal khitaab bhi jeet chuki hain.

Saaniya Ne Dubai Tennis Ka Yugal Khitaab Jeeta https://www.angrejinews.com/pic/2653