Saaniya Ne Bhaarat-Pak Vishv Cup Match Se Pehle 'Sharmanaak Vijnyaaapanon Ko Lataada

Cricket »

Saaniya Ne Bhaarat-Pak Vishv Cup Match Se Pehle 'Sharmanaak Vijnyaaapanon Ko Lataada

Nayi Delhi, 12 June (bhaasha) star tennis khilaadi saaniya mirja ne Bhaarat aur Pakistan ke beech bahuprateekshit vishv cup match se pehle Budhvaar ko 'Sharmanaak' TV vijnyaaapanon ko fatkaar lagaai. donon chir pratidvandvi teemon ke beech ravivaar ko hone vaale mukaabale se pehle donon deshon ke TV channelon par vigyaapan jang chhidi hui hai jismein kuchh nindaneeya saamagri vaale vigyaapan bhi dikhaae ja rahe hain. Pakistan ke jaij TV ne ek vigyaapan taiyaar kiya hai jismein ek vyakti ko ving commander abhinandan vardhamaan ka majaak udaate hue dekha ja sakta hai. Abhinandan ko baalaakot mein Bhaarat ke havaai amle ke ek din baar Pakistan ki sena ne pakada tha. is 33 second ke vigyaan mein maadal ko Bhaarat ki neeli jersey mein dikhaaya jaata hai aur usaki moochhein abhinandan ki tarah banaai gayi hain. Use match ke liye Bhaarat ki rananeeti ke baare mein poochhe jaane par abhinandan ki vaayaral hui is tippani ko doharaate hue dekha ja sakta hai, ''Mujhe maaf keejiye, main aapko iski jaankaari dene ke liye baadhya naheen hoon. '' doosari taraf Bhaarat ka star TV ek vigyaapan dikha raha hai jismein bhaarateeya samarthak khud ko Pakistan ka 'Abboo' (pita) bataata hai. Yeh vishv cup mein Pakistan par bhaarateeya team ke dabadabe ke sandarbh mein hai. saaniya ne apne twitter haindal par likha, ''Seema ke donon or sharmanaak saamagri vaale vigyaapan, gambhir ho jaao, aapko is tarah ke bakavaas ke saath haaip banaane ya match ka prachaar karne ki koi jaroorat naheen hai. Pehle hi is par paryaapt najarein hain. Yeh sirf cricket hai.

Saaniya Ne Bhaarat-Pak Vishv Cup Match Se Pehle 'Sharmanaak Vijnyaaapanon Ko Lataada https://www.angrejinews.com/pic/280749