Saaniya Khiskeen, Bhoopati Top Ten Mein

Sports »

Saaniya Khiskeen, Bhoopati Top Ten Mein

Nai Delhi. . Bhaarateeya tennis star saaniya mirja WTA ki taaja world ranking mein dabals mein chaar paayadaan neeche khisak gain lekin ATP dabals ranking mein mahesh bhoopati top ten mein pahunch gaye hain. Saaniya vimin dabals ranking mein ludhkakar ab 18vein sthaan par chali gayi hain. Doosari taraf se mens dabals ranking mein Leander pace ab bhi aathavein number par kaabij hain aur Bhaarat ke choti ke khilaadi bane hue hain. Bhoopati ek paayadaan oopar dasvein sthaan par pahunch gaye hain, jabki rohan bopanna pehle ki tarah 12vein sthaan par hain. ATP singal ranking mein somadev Devburman chaar paayadaan neeche 254vein aur yuki Bhambri chhah paayadaan neeche 272vein sthaan par khisak gaye hain. Is beech raafel Nadal Indian vels ka khitaab jeetkar fir se mens singal ranking mein top chaar mein shaamil ho gaye hain. Novaak jokovich, Roger Federer aur Andy marre pehle teen sthaanon par kaabij hain. Nadal ne hamavatan David ferar ko paanchavein sthaan par dhakela. Maria shaaraapova ko bhi Indian vels ka khitaab jeetne ka faayda mila hai. Vah ek paayadaan oopar doosare sthaan par pahunch gayi hain. Serena Williams top par kaabij hain jabki Victoria Azarenka teesare sthaan par khisak gayi hain

Saaniya Khiskeen, Bhoopati Top Ten Mein https://www.angrejinews.com/pic/3416