Saamoohik Roop Se Jahar Khaane Vaale Parivaar Mein 1 Aur Maut

India » Wednesday, April 24, 2013

enabeeti news . Hisaar balaatkaar peedit beti ke laapata hone se dukhi hokar jahar khaane vaale parivaar ke ek aur sadasya ne mangalvaar ko dam tod diya. Vaheen, peedit parivaar ke mukhiya ne maijistret ko diye bayaan mein bataaya ki police ke dabaav ki vajah se sabon ne jahar khaaya. Udhar, is maamale mein peedit parivaar ko insaaf dilaane ke liye mangalvaar ko kai raajanaitik dal aage aae. Ukalaana thaana sthit gaanv bhairi akabarapur mein dalit Mahendra, usaki patni babali, beti usha, bete raajesh aur sanjaya ne somvaar ko jahar kha liya tha. Babali aur usha ki somvaar ko hi maut ho gayi thi, jabki 8 saal ke raajesh ne mangalvaar ki subah PGI Rohtak mein dam tod diya. Rohtak PGI mein bharti Mahendra ne maijistret ko diye apne bayaan mein bataaya ki ek taraf usane apni laapata beti ko dhoondhane ke liye kaafi karj le rakha tha, vaheen is maamale mein police baar-baar usi par dabaav daal rahi thi. Isse dukhi hokar poore parivaar ne jahar kha liya. Raajaneetik dalon ne kiya pradarshan is ghatna ke khilaaf mangalvaar ko hisaar mein aaienaeladi ne pradarshan kiya. Party ke vidhaayak abhaya Singh chautaala ne is maamale mein CM hudda ko jimmevaar bataate hue unke isteefe ki maang ki hai, saath hi dalit parivaar ke mukhiya ke bayaan ke aadhaar par doshi police adhikaariyon ke khilaaf mukadama darj karne, usaki laapata naabaalig ladki ko baraamad karne aur maut se joojh rahe dalit parivaar ke logon ki jaan bachaane ke liye uchchastar ki medical sevaaen upalabdh karavaane ki maang ki hai. Is dauraan abhaya chautaala ne kaha hai ki ik ghatna se saaf ho gaya hai ki pradesh mein police aur prashaasan belagaam ho chuka hai. Afsar peediton ki sunavaai karne ke bajaay unhein prataadit kar aatmahatya karne ko majaboor kar rahe hain. Vaheen is masale par BJP ke raashtreeya pravakta captain abhimnyu ne bhi peedit parivaar par dabaav banaane vaale policekarmiyon ke khilaaf kadi kaarravaai ki maang ki hai.