Saamoohik Aatmahatya Kaand Se Bacha Ja Sakta Tha BSP

Breaking »

Saamoohik Aatmahatya Kaand Se Bacha Ja Sakta Tha BSP

hisaar. . Haryana aur UP ke BSP netaaon ne hisaar jile ke ukalaana khand ke gaanv bhairi akabarapur mein police prataadna ke shikaar dalit parivaar dvaara saamoohik aatmahatya kaand par peedit ke ghar jaakar samvedna vyakt ki. BSP netaaon raajaveer Singh aita, naresh saaran aur chatar Singh kashyap ke netrutv mein party ke saikadon kaaryakartaaon ne shanivaar ko gaanv ka daura kar haalaat ka jaayaja liya aur is ghatna ke liye police ki sanvedanasheelata par savaal uthaaya. Is mauke par aita ne Haryana sarkaar par dalit virodhi hone ka aarop lagaaya. Unhonne kaha ki peedit parivaar ne police dabaav ki vajah se aatmaghaati kadam uthaaya. Unhonne kaha ki pradesh mein daliton aur pichhadon ke adhikaar kuchale ja rahe hain. Unki bahoo-betiyaan surakshit naheen hain. Haryana mein ghatit aise vaaradaat ki vajah se desh bhar mein pradesh ka sir sharm se jhuk gaya hai. Unhonne kaha ki police prashaasan sarkaar ke bhaari dabaav mein kaam kar raha hai. Itne bade haadase ke baad bhi mukhyamantri, Congress ke aala netaaon, SP aur deesi jaise adhikaariyon ne gaanv ka daura karna bhi munaasib naheen samjha aur na hi koi uchit kadam uthaaya. Unhonne kaha ki agar prashaasanik adhikaari samay rahate peedit parivaar ki guhaar sun lete aur unki agava beti ko dhoondhane ki disha mein koi thos kadam uthaate to shaayad is dukhad ghatna ko roka ja sakta tha. Unhonne aarop lagaaya ki pradesh sarkaar ke saath-saath police adhikaari bhi daliton ki aavaaj sunana naheen chaahate. Unhonn ghatna ki turant uchchastareeya nyaayik jaanch aur aaropi policekarmiyon ke khilaaf kadi kaarravaai ki maang ki.

Saamoohik Aatmahatya Kaand Se Bacha Ja Sakta Tha BSP https://www.angrejinews.com/pic/6958