Saalon Baad Smruti-amar Baneinge 'Pati-patni

Movies » Tuesday, March 26, 2013

Nau saal baad TV ki ek hit puraani jodi fir se dikhegi chhote parde par saath. Ham baat kar rahe hain 'Kyonki saas bhi kabhi bahoo thi' ke mihir aur tulasi ki. Aap jaante hi honge ki tulasi ka rol smruti Irani aur mihir ka rol amar upaadhyaaya ne play kiya tha. Ek baar fir inki jodi chhote parde par dikhne waali hai. In dinon TV par dikhaai ja rahi series 'Ek thi naayika' mein ye donon saath dikheinge. Gujarat ki prushthabhoomi par aadhaarit is kahaani mein smruti (svaati) aur amar (mukesh) ke rol mein pati-patni ke taur par dikheinge. Gaurtalab hai ki in donon ki jodi logon ko 'Saas bhi kabhi bahoo thi' mein itni pasand I thi ki jab amar ne sho chhoda tha, to logon ne unheen ko sho mein dekhne ki demand ki thi. Ab dekhte hain ki amar aur smruti ki jodi itne saal baad bhi logon ko pasand aati hai ya naheen