Saakshi Ne Tweet Kar 'Logon Ko Dikhaaya Angootha

Breaking »

Saakshi Ne Tweet Kar 'Logon Ko Dikhaaya Angootha

Nai Delhi . . Ek taraf desh ke khel mantri kehte hain ki IPL spot fixing se jude vivaad ke chalte unka sir sharm se jhuk gaya hai to doosari taraf chennai Superkings (CSK) ke captain Mahendra Singh Dhoni ki patni saakshi Dhoni ko jaise is poore vivaad se koi matlab hi naheen hai. Unhonne apne taaja tweet mein sanket diya hai ki unhein in vivaadon se koi fark naheen padta. Vah inhein koi ahamiyt naheen deteen. Gaurtalab hai ki baulivud ke jaane-maane aiktar daara Singh ke bete vindoo ko sattebaaji ke silsile mein giraftaar kiya gaya hai. Un par sattebaaji mein shaamil rahane aur sattebaajon ko police ke changul se bachaane mein madad karne ka aarop hai. Kuchh dinon pehle vindoo Dhoni ki patni saakshi ke saath match dekhte paae gaye the. Unhonne bayaan diya tha ki vah vahaan BCCI cheef N shreenivaasan ke daamaad aur IPL team chennai super kings CEO mayappan ke bulaane par gaye the. Unhonne yah bhi kaha tha ki saakshi ne unhein dekha to khud apne saath baitha liya. In vajahon se is poore vivaad mein saakshi aur Dhoni ka naam bhi joda jaane laga hai. Yah khabar bhi I hai ki shreeshaant aur unki dost (us dost ka naam bhi saakshi hi hai) ko milaane waali kadi bhi koi aur naheen balki saakshi Dhoni hi hain. In sabki vajah se fixing vivaad mein saakshi Dhoni ka naam bhi liya jaane laga hai. Police bhi sanket day rahi hai ki saakshi se poochhataachh ki ja sakti hai. Aise mein sab hairaan-pareshaan hain, lekin saakshi hamesha ki tarah bindaas. Unhonne guruvaar ko twitter par apni bhaavanaaen prakat keen. Haal ki ghatnaaon par apna paksh rakhane ke badle unhonne apni chir-parichit shaili mein tweet kiya, 'Hindi gaana premiyon ke liye. . . Kuchh to log kaheinge, logon ka kaam hai kehna. ' aise maahaul mein is tweet ka matlab yahi maana ja raha hai ki saakshi ne apne dhang se un logon ko javaab diya hai jo unka naam is poore vivaad mein ghaseet rahe hain. Unhonne bata diya hai ki bolne vaale chaahe jo bhi bolte rahein unhein fark naheen padta.

Saakshi Ne Tweet Kar 'Logon Ko Dikhaaya Angootha https://www.angrejinews.com/pic/9468