Saajid Ki Film Naheen Kareinge Saif

Movies »

Saajid Ki Film Naheen Kareinge Saif

'Himmatavaala' box office par aundhe munh gir gayi. To kya saif Ali Khan saajid ki agali film mein kaam karne ki himmat juta paaenge? Jo hashr 'Himmatavaala' ka huaa hai, use dekhte hue saif ko agali film ke baare mein sochate hue paseena aana laajimi hai. Ise saajid Khan jo daayarekt karne vaale hain. Sootron ka kehna hai ki 'Himmatavaala' ke pitne ke baavajood saajid Khan ne apni agali film ki starcast ki ghoshana karne mein hichkichaahat naheen barati. Unhonne kah diya ki vah agali film saif Ali Khan, Amitabh Bachchan aur ritesh Deshmukh ke saath banaaenge. Shooting ki bhi taiyaari chal rahi hai. Ummeed ki ja rahi hai ki July se yah shuroo kar di jaae. Ab masala saif ko lekar hai jo apne career ko lekar ati samvedansheel daur se gujar rahe hain. 'Himmatavaala' ka hashr dekhkar unki saajid ke saath kaam karne ki himmat javaab day rahi hai. Ek anya sootr ka kehna hai ki 'Himmatavaala' ko dekhkar saajid ki sabhi filmon ka hashr tay naheen kiya ja sakta. Agali film blockbuster hogi aur sab aisi hi rai rakhate hain. Ritesh Deshmukh ka kehna hai ki unhein bhi 'Himmatavaala' se bahut ummeedein theen. Ab ummeed ki jaani chaahiye ki apni agali film mein saajid odiyans ko apne se jod paane mein kaamayaab raheinge. Khair, aisa hoga ya naheen, yah to vakt bataaega lekin itna tay hai ki saajid ka badbolaapan shaayad 'Himmatavaala' ke baad kuchh kam ho jaae.

Saajid Ki Film Naheen Kareinge Saif https://www.angrejinews.com/pic/5218