Saaipras Par Yoorojon Ke Mantriyon Mein Bani Sahamati

World » Tuesday, March 26, 2013

brasels. . Yoorojon ke vitt mantriyon ne saaipras ko sankatakaaleen karj dene ke liye vahaan bank mein paisa rakhane vaalon par bank-levi lagaane ki sharton ko udaar banaane par sahamati jataai hai. Aam logon ke aakrosh aur vaishvik baajaaron ke pratikool sanketon ko dekhte hue kiye gaye is faisale se chhote jamaakartaaon ko raahat milegi. Karj sankat se ghire saaipras ke liye pichhle shanivaar ko 13 arab dollar ke raahat package ki ghoshana ki gayi thi. Usi ke tahat bank mein jama hone waali rakam par levi lagaane ki ghoshana ki gayi thi. Yoorojon ke 17 sadasya deshon ke mantriyon ne somvaar raat aapaat baithak mein is baat par sahamati jataai ki saaipras ke sabhi chhote jamaakartaaon ko bank levi yojana ke tahat alag darja milna chaahiye. Bank levi ki is yojana ko sabhi sadasya desh manjoori day chuke the. Ab in mantriyon mein sahamati bani hai ki saaipras sarkaar ko prastaavit bank levi mein sudhaar karna chaahiye aur iske tahat vah ek lakh Euro se kam bachat karne vaale jamaakartaaon ke kar bojh ko badi bachat vaale jamaakartaaon par daal sakti hai. Haalaanki abhi yah tay naheen ho paaya hai ki ise kaise haasil kiya jaaega, lekin ek prastaav yah hai ki ek lakh Euro tak ki jama rakam par levi ko badhaakar 12 pratishat se adhik karna aur 20 hajaar Euro tak ki jama ko levi mukt seema ki peshakash karna hai