Saaina Kareingi Bhaarateeya Chunauti Ki Aguvaai

Sports » Tuesday, March 26, 2013

Birmingham. . Olympic braunj medal vijeta saaina Nehwal ko pratishthit ol England badminton ka khitaab jeetne ke liye kadi chunauti ka saamana karna hoga kyonki unhein is super series tournament mein mushkil draw mila hai. Tournament ke kvaulifaayar mangalvaar se shuroo honge. Saaina bachana chaaheingi ulatafer se: Saaina 2007 se chaar lakh dollar ke is inaami tournament mein khel rahi hain. Ismein unka best pradarshan 2010 mein raha aur tab vah semifinal mein pahunchi theen. Pichhle do saalon mein saaina kvaurtar final tak pahunchane mein safal rahi aur unhein kam ranking ki khilaadiyon se haar jhelni padi thi. Doosari vareeyata praapt Bhaarat ki saaina is baar ulatafer ka shikaar hone se bachana chaaheingi. Saapasiri ke khilaaf kareingi abhiyaan aagaaj: Saaina apne abhiyaan ka aagaaj Thailand ki saapasiri teraataanaachaai ke khilaaf match se kareingi. In donon ke beech ab chaar mukaabale hue hain ,jismein bhaarateeya khilaadi hamesha vijeta rahi lekin haal mein Korea open mein thai khilaadi match teen game tak kheenchne mein safal rahi theen. Pehli baadha paar karne par 22 saal saaina ko Japan ki minaatsu mitaani se bhidna pad sakta hai, jinhonne unhein French open ke final mein haraaya tha. Saaina ko kvaurtar final mein chhathi vareeyata praapt jhiyaan vaang ya yaanajiyo chyaang se bhidna pad sakta hai. Best karne ki koshish karoongi: Saaina ne kaha, 'Draw kaafi kada hai, lekin aisa hota hai. Main apna best pradarshan karne ki koshish karoongi. Mainne achhi taiyaari ki hai. Mujhe ghutne ko lekar thodi pareshaani hai. Baaki sab kuchh theek hai. ' yuva shuttler pi vi sindhu pehli baar mukhya draw se shuruaat kareingi. Unka pehla mukaabala Thailand ki ongabaamarangafaan busaanan se hoga, jinhein vah Asia yuva under-19 championship mein hara chuki hain. Kashyap bole chunauteepoorn hai draw: Purush singals mein Bhaarat ke parupalli kashyap apne abhiyaan ki shuruaat cheeni taaipai ke jen how su ke khilaaf kareinge. Unhein doosare daur mein saataveen vareeyata praapt Japani khilaadi kenichi taago se bhidna pad sakta hai. Iske baad unhein cheen ki doosari vareeya chen long ka saamana karna pad sakta hai. Kashyap ne kaha, 'Yah chunauteepoorn draw hai. Mujhe lagta hai ki yadi main shuroo mein jeet darj karne mein safal raha to aage tak badh sakta hoon. Cheeni Taipei ke khilaadi achhe hai aur taago ke baare mein kuchh naheen kaha ja sakta. Aap kabhi anumaan naheen laga sakte ki vah kab achha khel dikhaane lage. 'Mukhya draw mein kheleinge jayaraam: Bhaarat ke ek aur khilaadi Ajay jayaraam mukhya draw mein kheleinge. Unka pehla mukaabala cheen ke jheingaming vaang se hoga. Pehli baadha paar karne ki dasha mein unhein doosare daur mein sheersh vareeyata praapt aur duniya ke number ek malayeshiyaai khilaadi li chonge vei se bhidna pad sakta hai. Deejoo ke saath jodi banaaengi jvaala : Ek anya bhaarateeya star jvaala guta bhi is tournament se saat maheene baad vaapasi kareingi. Vah miksd dabals mein vi deejoo ke saath jodi banaaengi. Unka pehla mukaabala Peter keesabaaur aur isaabel haratrich ki jarman jodi se hoga. Mahila dabals mein jvaala aur prajaakta saavant ki jodi ka pehla mukaabala seritaamaaraak atirma aur peeraaya munkitaamorn ki thai jodi se hoga. Ashvini - kona ka mukaabala fraan- pushpa ki jodi se : Miksd dabals mein ashvini ponappa aur tarun kona ki jodi shuruaati daur mein Indonesia ke fraan kurniyaavaan aur sheindi pushpa se bhidegi. Ashvini ne mahila dabals mein pradanya gadare ke saath jodi banaai hai. Unhein kvaulifaayar se aage badhna hoga, jahaan unka mukaabala vels ki jodi saaraah Thomas aur kaarisa turner se hoga. Kvaulifaayar mein chaar bhaarateeya -aanand Pawar, saurabh varma, saai praneet aur aaraemavi gurusaaidatt purush singals mein jabki tarun aur arun vishnu tatha pranav jeri Chopra aur Akshay devaalakar purush yugal mein apni kismat aajamaaenge