Saaha Fit, Nau Maheene Ke Baad Maidaan Par Dikheinge

Cricket »

Saaha Fit, Nau Maheene Ke Baad Maidaan Par Dikheinge

Kolkata, 17 February (bhaasha) bhaarateeya team ke wicket-keeper Riddhimaan saaha nau maheene ke baad poori tarah fit hokar Sayyed Mushtaq Ali tee20 ghareloo tournament se pratispardhi cricket mein vaapasi kareinge. Bengal ne ravivaar ko is tournament ke liye 15 sadasyeeya team ki ghoshana ki jismein saaha ko bhi jagah di gayi hai. Saaha aakhiri baar pichhle saal 25 May ko Indian Premier league ki apni team sunrisers Hyderabad ke liye Kolkata night Riders ke khilaaf match mein maidaan par dikhe the. Iske baad vah chotil ho gaye aur unhein kandhe ki surgery karaani padi. saaha ne vaapasi par kaha, '' main is tournament ko saamaanya vishraam ke baad vaapasi ki tarah le raha hoon. Mere liye yeh satr ki shurooaat hai. '' group di mein shaamil Bengal is tournament mein apne abhiyaan ka aagaaj 21 February ko Cuttack ke khilaaf match se karega. saaha ke team se baahar hone ke baad pichhle nau maheene mein paristhitiyaan kaafi badal gayi hai kyonki rishabh pant ne raashtreeya team mein jagah pakki kar li hai. Bengal ke 34 saal ke wicket-keeper ne kaha, '' main kabhi chayan ke baare mein sochakar cricket naheen khelta hoon. Yeh mere haath mein naheen hai. Mera dhyaan un cheejon par hai jis par mera niyantran hai. Main un maukon ko poori tarah bhunaane ki koshish kar raha hoon jo mere haath mein hai. '' Bhaarat ko agala test match ekadivseeya vishv cup ke baad July mein West Indies ke khilaaf do maichon ki shrrunkhala mein khelna hai. manoj tivaari Bengal ki kaptaani kareinge. Bengal ne pichhli baar 2010-11 mein is khitaab ko jeeta tha. team: manoj tivaari (kaptaan), abhimnyu ishvaran (up-kaptaan), Riddhimaan saaha, shreevats Goswami, vivek Singh, ritik chatarji, ritvik Roy chaudhari, shaahaba Ahmad, pradeep pramaanik, kanishk seth, ashok dinda, sayaan ghosh, ishaan porel, prayaas re barman aur ayaan bhattaachaarji.

Saaha Fit, Nau Maheene Ke Baad Maidaan Par Dikheinge https://www.angrejinews.com/pic/255455