Saagar Gang-rape Ke Baad Chaacha Aur Teen Bhaaiyon Ne Naabaalig Ko Maar Daala, 3 Giraftaar

India »

Saagar Gang-rape Ke Baad Chaacha Aur Teen Bhaaiyon Ne Naabaalig Ko Maar Daala, 3 Giraftaar

Bhopal Madhya pradesh ke saagar mein naabaalig ladki ke saath balaatkaar ka sanasaneekhej maamala saamane aaya hai. Maamale mein naabaalig ke saath uske chaacha aur teen bhaaiyon ne gang-rape kiya aur baad mein usaki hatya kar di. Police ne boonda gaanv ke ek firm se peedita ka shav baraamad kiya hai. Mrutaka ke pita ne pichhle hafte apni beti ke gaayab hone ki report thaane mein darj karaai thi. Police ne maamale mein teen aaropiyon ko giraftaar kar liya hai jabki ek aaropi faraar hai. Aaropiyon ne police ko gumaraah karne ki koshish ki Peedita ka shav baraamad hone ke baad jaanch ke dauraan aaropi chaacha ne pehle to police ko gumaraah karne ki koshish ki aur hatya ke peechhe jameen vivaad ka kaaran bataaya lekin police ki jaanch mein jab sachchaai saamane I to sabhi hairaan rah gaye. Saagar jile ke SP amit saanghi ne somvaar ko press conference kar bataaya ki mrut naabaalig ladki se saath saamoohik balaatkaar kiya gaya hai. Maamale ki jab aage jaanch ki gayi to paaya gaya ki ladki ke chaacha aur teen bhaaiyon ne milkar uske saath rape kiya hai aur jab naabaalig ne police mein shikaayat darj karaane ki dhamaki di tab un logon ne usaki hatya kar di. Yeh bhi padhein: 5 saal ke bachche ki hatya, kidnaipars ne maange the 2 lakh rupaye Maamale mein teen giraftaar, bada bhaai faraar Police ne bataaya ki maamale mein teen logon ko giraftaar kar liya gaya hai. Vaheen aparaadh mein shaamil peedita ka bada bhaai faraar bataaya ja raha hai. Police ne bataaya ki teen aaropi bhaaiyon mein do naabaalig hain jabki faraar bade bhaai ki umr 22 saal hai. Saanghi ne bataaya ki jaanch ke dauraan pata laga hai ki bada bhaai peedita ka shav baraamad hone ke baad se hi faraar hai. Unhonne bataaya ki parijanon se poochh-taachh ke baad maamale ka khulaasa hua. Giraftaar aaropi bhaaiyon mein se ek police ko us jagah par bhi le gaya jahaan vaaradaat ko anjaam diya gaya tha. Yeh bhi padhein: Meet naheen pakaane par naukar ko kutte se katavaaya tha, maut ke dhaai saal baad hatya ki FIR SP ne bataaya ki jab peedita ne police mein shikaayat karaane ki dhamaki di tab aaropiyon ne use maar diya. Pehle un logon ne usaka gala ghonta aur fir daraanti se vaar karke usaki hatya kar di. Police ne mauke se khoon se sana kapda aur sikl baraamad kiya hai. Yeh khabar angreji mein padhne ke liye yahaan klik karein.

Saagar Gang-rape Ke Baad Chaacha Aur Teen Bhaaiyon Ne Naabaalig Ko Maar Daala, 3 Giraftaar https://www.angrejinews.com/pic/262273