SP Loksabha Chunaav Ke Liye Taiyaar Mulaayam

India »

SP Loksabha Chunaav Ke Liye Taiyaar  Mulaayam

vishesh samvaadadaata. Lucknow : SP supreemo mulaayam Singh ne aagaami Loksabha chunaav ki taiyaariyon ko lekar party ke tamaam mantriyon aur vidhaayakon ki aapaatkaaleen baithak balaai hai. Emaelae-emaelasi ki is baithak mein Loksabha chunaav ko lekar rananeeti banaai jaaegi. Mulaayam ne kaha ki party Loksabha chunaav ke liye bilkul taiyaar hai. Shanivaar ko hone waali baithak mein party ke kai bade neta bhi maujood raheinge. Mantriyon, saansadon aur vidhaayakon ke yahaan SP kaaryakartaaon ki sunavaai na hone se mulaayam khaase naaraaj hain. Unhonne chetaavani di hai ki jo mantri aur vidhaayak workers ki baat par dhyaan naheen day rahe hain, vah apni kursi ko mehfooz na samajhein. SP kaaryakarta ab apni shikaayaton ki sunavaai na hone par seedhe mulaayam se shikaayat kar rahe hain. Mulaayam ne kaaryakartaaon ko apne-apne kshetr mein party ke liye majabooti se kaam karne ko kaha hai. Mulaayam kah chuke hain ki September ya November mein Loksabha chunaav ho sakte hain. Isi ke maddenajar shanivaar ko hone waali vidhaayakon aur vidhaan parisd sadasyon ki baithak kaafi mahatvapoorn maani ja rahi hai. Mulaayam ko yah bhi dar (? ) hai ki Congress CBI ka istemaal kar unhein jail bhijva sakti hain. Inheen charchaaon aur atkalon ke beech SP apni Loksabha chunaav ki taiyaariyon ko aage badhaana chaahati hai. Baithak mein vidhaayakon ki jimmedaari tay ki jaaegi, jisse SP apne lakshya ko aasaani se haasil kar sake.

SP Loksabha Chunaav Ke Liye Taiyaar Mulaayam https://www.angrejinews.com/pic/4625