SP Ke Khilaaf Beni Ka Seejafaayar

Breaking » Wednesday, April 3, 2013

vishesh samvaadadaata. . Nai Delhi keindreeya steel mantri Congress neta beni prasaad varma aur SP ke beech jaari jubaani jang ab thamati najar aa rahi hai. Budhvaar ko beni prasaad varma Congress mukhyaalaya pahunche. Itna hi naheen, Budhvaar ko SP ke poorv neta amar Singh bhi beni prasaad se mile. Bataaya ja raha hai ki unhein Congress mukhyaalaya se is maamale ko khatm karne ke sanket mile hain. Congress mukhyaalaya mein unki mulaakaat Congress mahaasachiv janaardan Dwivedi se hui. Sootron ke mutaabik, beni ko ab maamale ko aur na badhaane ke liye kaha gaya hai. Budhvaar ko hi beni ne media se kaha ki unke aur SP ke beech jaari jang mein seejafaayar (yuddhaviraam) ho chuka hai. Unka kehna tha ki us (SP ki) or se seejafaayar hone ke baad is taraf se seejafaayar ho gaya hai. Gaurtalab hai ki beni aur mulaayam-SP ke beech jaari is jubaani jang ke maddenajar ek din pehle hi SP neta mulaayam Singh aur raamagopaal Yadav ne apni party ke netaaon par beni ke khilaaf kisi bhi tarah ki tippani aur hamle na karne ke nirdesh diye hain. Gaurtalab hai ki beni ne mulaayam Singh aur SP par kaafi teekhe hamle kiye the. Jiske chalte pichhle dinon baat itni badhi ki Congress adhyaksh soniya Gandhi ko saamane aakar baat sthiti sanbhaalani padi. Haalaanki tab beni ne mulaayam ko lekar diye apne bayaan par khed bhi jataaya, lekin fir vah jyaada der tak chup naheen baith sake aur SP aur uske neta par unke hamle jaari rahe. Udhar SP aur beni maamale ke beech amar Singh ki beni ki mulaakaat kaafi aham maani ja rahi hai. Gaurtalab hai ki donon hi neta lambe arse tak SP se jude rahe hain. Maje ki baat hai ki amar Singh ke SP mein aane aur unka kad badhne ke baad beni ka SP se naata toota tha. Aise mein dekhne waali baat hai ki mulaayam ke do ghor virodhiyon ki yah mulaakaat kya rang laati hai.